Qatysýshylardyń pikirinshe, Prezıdent bastamalary jastardy qoldaýǵa, quqyqtardy qorǵaýǵa, óńirlik damýdy kúsheıtýge, ekologııany jaqsartýǵa jáne eldiń ǵylymı-zııatkerlik áleýetin arttyrýǵa baǵyttalǵan. Olar Joldaý memlekettiń damýyna jol kórsetetin strategııalyq qujat ekenin jáne ÚEU onyń oryndalýyna belsene aralasýǵa daıyn ekenin atap ótti.
«Human Rights Lawyers» qorynyń jetekshisi Lázzat Raqysheva zań ústemdigi men adam quqyqtaryn qorǵaýǵa erekshe kóńil bólinýi qoǵamnyń memlekettik ınstıtýttarǵa senimin arttyratynyn aıtty.
«Prezıdent Joldaýy Qazaqstannyń bolashaǵy úshin negizgi basymdyqtardy aıqyndaıdy. Bul maqsattarǵa jetýde azamattyq qoǵamnyń belsendi qatysýy mańyzdy. Ásirese, zań ústemdigi men adam quqyqtaryn qorǵaýǵa basa nazar aýdarylǵany erekshe mánge ıe, óıtkeni bul qoǵamnyń memlekettik ınstıtýttarǵa degen senimine tikeleı áser etedi», dedi Lázzat Raqysheva.
«Qazaqstan azamattyq alıansy» uıymynyń dırektory Nuras Eraly aýyl jastaryna jańa múmkindikter ashýdyń mańyzyn atap ótti.
«О́ńirlik jobalardy damytýǵa jáne aýyl jastaryn qoldaýǵa erekshe nazar aýdarý qajet. Joldaýda ınfraqurylym sapasyn arttyrý, jumys oryndaryn qurý jáne agroónerkásiptik keshendi damytý sharalary belgilengen. Munyń bári aýyl jastaryna týǵan jerinde óz áleýetin iske asyrýǵa múmkindik beredi», dedi ol.
Al «Bolashaq Qazaqstanǵa» birlestiginiń tóraıymy Bıbinur Sherbaeva sapaly bilim men ınnovasııany damytýdyń eldiń básekege qabilettiligin arttyrýdaǵy róline toqtaldy.
«Qazaqstan úshin otandyq zııatkerlik ónimderdi damytý jáne jergilikti mamandardyń rólin kúsheıtý asa mańyzdy. Prezıdent sapaly bilim, ǵylym men ınnovasııanyń eldiń básekege qabilettiliginiń negizi ekenin atap ótti. Bul baǵyt jańa ıdeıalar men startaptarǵa jol ashady», Bıbinur Sherbaeva.
Kezdesý «Ashyq mıkrofon» formatynda jalǵasyp, ÚEU áleýmettik qyzmetterdiń tıimdiligin arttyrý, ınklıýzıvti ortany keńeıtý jáne azamattyq belsendilikti damytý jóninde usynystaryn jetkizdi.
Jıyn sońynda qatysýshylar Prezıdent bastamalaryn qoldap, Joldaýdaǵy mindetterdi júzege asyrý jolynda yntymaqtasa jumys isteýge daıyn ekenderin bildirdi.
Sharany QR Mádenıet jáne aqparat mınıstrliginiń qoldaýymen Azamattyq bastamalardy qoldaý ortalyǵy uıymdastyrdy. Atalǵan ortalyq jyl saıyn bilim, jastar saıasaty, quqyq qorǵaý, ekologııa jáne azamattyq qoǵamdy damytý salasyndaǵy 100-den astam áleýmettik jobany memlekettik granttar arqyly qarjylandyrady.
