Foto: Tengrinews.kz/Alıhan Sarıev
Resmı statıstıka boıynsha, tamyzda Almaty qalasynda 20,7 myń kólik tirkelgen. Bul Qazaqstandaǵy eń joǵarǵy kórsetkish. Ekinshi orynda - Almaty oblysy tur. Bul aımaqta 15,6 myń kólik esepke qoıylǵan. Úshinshi kóligi kóp qala - Astana. Elorda 14,5 myń mashına tirkeýden ótken.
Tamyzda esepke qoıylǵan kólikterdiń 59,7 %-nyń jolda júıitkip júrgenine 10 jyldan asa ýaqyt ótken. Qozǵaltqysh kólemi boıynsha basym bóligi (36,3%) 1 500-2 000 sm³ aralyǵynda ekeni anyqtalǵan.
Al 1 qyrkúıektegi jaǵdaı boıynsha eldegi jappaı tirkelgen avtokólik sany - 6 786,9 myń. Bir jylda 21,6 % mólsherinde ósim baıqalyp otyr.
Jalpy jıyntyq boıynsha da Almaty qalasynda kólik kóp - 797,2 myń. Almaty oblysynda 723,9 myń mashına tirkelgen.
Avtokólikterdiń 91,9 %-y jeke menshikte, qalǵany zańdy tulǵalardyń atyna tirkelgen.
