Qazir jer jahanda qatygezdik pen óshpendilikke jaqyn, kıkiljiń týdyratyn toptar az emes, ókinishtisi, olardyń qatary kúnnen-kúnge artyp barady.
Al dinder arasyndaǵy dıalog ortalyqtary óte az. Sondyqtan osyndaı basqosýlardy qoldaýymyz kerek. Mundaǵy maqsat – álemdegi dinderdiń ortaq qundylyqtaryn anyqtap, sony álem halqyna jetkizý. Tipti saıasatkerlerge qysym jasap, jaǵdaıdy ózgertýge májbúrleýimiz qajet.
Biz birlikke, beıbitshilikke bastaıtyn osy qundylyqtardy ǵalamdyq deńgeıde dáripteýimiz kerek. Álem jurtshylyǵy jahanda bolyp jatqan qaıǵy-qasiretke beıjaı qaramaýǵa tıis. Qazir Gaza sekildi qaqtyǵystyń qyzǵan núktesindegi óńir halqy ashtyq pen soǵystan zardap shegip jatqany janǵa batady. Mıllıondaǵan bala bilimsiz qaldy. Sol balalarǵa qamqorlyq jasaý – barshamyzǵa ortaq mindet. Bul tek saıasatkerlerdiń emes, bizdiń de jaýapkershiligimiz.
Dál qazir dinder arasyndaǵy baılanys dıalogke zar bolyp tur. Joǵaryda aıtqanymdaı, dinderdiń arasynda ortaq dúnıeler óte kóp. Sondyqtan dinder bizdi bólip-jarmaǵany abzal. Kerisinshe, dinder bizdi biriktirip, birge jumys isteýge shaqyrýǵa tıis. Menińshe, biz bul shekarany joıýymyz kerek jáne ózara senimdi qalyptastyrýymyz qajet.
Qysqasy, beıbitshilikke, tatý-tátti ómirge tek dinı kóshbasshylar emes, bárimiz jaýaptymyz. Sondyqtan mundaı kezdesýlerdi barynsha qoldap, dinderdiń ortaq tustaryn anyqtap, ony búkil álemge jetkizý asa mańyzdy.
Ibrahım Salen ál-NAIMI,
Dohadaǵy Halyqaralyq dinder dıalogi ortalyǵynyń tóraǵasy, professor
