Foto: Senat
Atalǵan is-sharaǵa Rım Papasy Fransısk, Ál-Azhardyń Joǵarǵy ımamy sheıh Ahmed at-Taıeb qatysqan bolatyn. Osy aralyqta saıabaq Qazaqstandaǵy túrli konfessııalar arasyndaǵy dostyq pen birliktiń jarqyn úlgisine aınaldy.
Máýlen Áshimbaev mártebeli meımandarǵa iltıpat bildire kelip, Beıbitshilik jáne kelisim saıabaǵynyń negizin 2022 jyly Álemdik jáne dástúrli dinder kóshbasshylarynyń VII sezine qatysýshylar qalaǵanyn aıtty.
«Sezge qatysýshylardyń izgi bastamasynyń nátıjesinde Esil ózeniniń jaǵalaýynda jańa saıabaq boı kóterdi. Bul – birliktiń, ózara senimniń jáne beıbitshilik pen kelisimniń jarqyn sımvoly. Barlyq halyqtyń dástúrinde tal ómirsheńdikti, ósýdi jáne órkendeýdi bildiredi. Sondyqtan bul saıabaqty senim men etnosqa qaramastan kemel keleshekke ortaq umtylysymyzdyń belgisi dep qabyldaımyz. Qazaqstan astanasynyń ortasynda ornalasqan Beıbitshilik jáne kelisim saıabaǵy dinder men mádenıetter arasyndaǵy rýhanı kópir bolady dep senemiz. Mundaı qadam qazirgideı kúrdeli kezeńde aıryqsha mańyzǵa ıe», dep, Álemdik jáne dástúrli dinder kóshbasshylary Sezi Hatshylyǵynyń basshysy saıabaqtyń ashylýyna óz úlesin qosqan barlyq qatysýshy men nıettesterge alǵys bildirdi.
Sonymen qatar Máýlen Áshimbaev óz sózinde Qazaqstan túrli ult, mádenıet jáne din ókilderi beıbit qatar ómir súrip jatqan biregeı el ekenin atap ótti. Bul etnosyna jáne dinine qaramastan barshaǵa ashyqtyq, senim, tózimdilik, qurmet sııaqty qundylyqtardyń naqty kórinisi ekeni anyq. Beıbitshilik pen kelisim saıabaǵynyń dál ortasyndaǵy «О́mir aǵashy» monýmenti de osy rýhanı ustanymdy beıneleıdi. Úsh jyl buryn munda delegattar 60-tan astam tal otyrǵyzǵan edi. Monýmenttiń ortasyna kúmbez úlgisinde emen aǵashy otyrǵyzylyp, sýburqaq ornatylǵan.
Joba avtorlarynyń aıtýynsha, sý men tamyry tarıh tereńine boılaǵan ómir aǵashy Jerdegi máńgilik tirshilikti jáne onyń qundylyǵyn dáripteıdi. Sol arqyly atalǵan ınstallıasııa, senimi men nanymyna qaramastan, planetadaǵy barlyq adamdy kelisimge, beıbitshilik pen dostyqqa shaqyrady. Kúmbez bir aspan astyndaǵy beıbitshilikti, al, 4 jaǵyndaǵy kireberis dúnıeniń tórt buryshy: Ońtústik, Soltústik, Batys jáne Shyǵysty bildiredi. Kúmbezdiń qabyrǵalarynda dúnıeniń jaratylysy, Qazaqstan úshin tarıhı mańyzy bar oqıǵalar jáne ejelgi sýretter – petroglıfter beınelengen.
Saıabaqtyń ashylýyna qatysqan VIII Sezd delegattary «Bala boıaýyndaǵy álem» atty sýret kórmesin tamashalady. Onda respýblıkalyq jas sýretshiler baıqaýynyń jeńimpazdary men júldegerleriniń qylqalamynan týǵan úzdik 20 kartına qoıylǵan kópshilik nazaryna usynylǵan. Atalǵan ekspozısııalar jas býynnyń shyǵarmashylyǵymen tanysýǵa múmkindik berip, jarqyn jáne úılesimdi bolashaqqa degen senimdi nyǵaıtýǵa óz úlesin qosady.
