Resmı derekke saı, olarmen birge taǵy bir jergilikti turǵyn ustaldy. Tergeý amaldary kezinde aıǵaq zattar tárkilenip, arnaıy saraptamaǵa jiberildi. Aýdan ákiminiń orynbasaryna qatysty bultartpaý sharasy retinde ýaqytsha ustaý ızolıatoryna qamaýǵa alý qoldanyldy. Qalǵan kúdiktilerge baılanysty túpkilikti sheshimdi tergeý barysynda quzyrly organdar qabyldaıdy.
Oblys ákimdigi jaǵdaıǵa baılanysty málimdeme jasady. Onda memlekettik qyzmetshilerdiń zańdy belden basyp, ar-ojdanǵa daq túsiretin áreketterine jol berilmeıtini basa aıtyldy. Ákimdik qoǵam senimin aqtaý úshin zańsyzdyqqa qarsy qatań saıasat ustanyp, árbir quqyq buzýshylyqqa naqty shara qoldanatynyn jetkizdi.
