Jezqazǵan qalasynda ótken J. Hadjıev atyndaǵy IV halyqaralyq teatr festıvalinde óner súıer qaýymǵa erekshe áser syılaǵan Abaı oblystyq «Darıǵa-aı» jastar teatry bas júlde, «Úzdik spektakl» nomınasııasyn ıelendi.
Teatr ujymy kórnekti jazýshy Oralhan Bókeıdiń «О́z otyńdy óshirme» dramasyn sahnalap, tereń fılosofııalyq tartysqa toly týynda qazylar alqasyn tańǵaldyryp, kórermenin tánti ete bildi. Qoıylymnyń rejısseri – Meıram Habıbýllın. Osylaısha rejısserdiń izdenisi, keıipkerlerdiń jan-dúnıesin ashýdaǵy sheberligi men sahnalyq sheshimderiniń ereksheligi úzdik baǵalanyp otyr.
Oblystaǵy Abaı atyndaǵy teatrdyń quramyndaǵy «Darıǵa-aı» jastar teatry professor Darıǵa Turanqulqyzy jáne belgili qoǵam qaıratkeri, abaıtanýshy, Qazaqstannyń eńbek sińirgen qyzmetkeri Tóken Ibragımovtyń bastamasymen 1999 jyly 14 qarashada ashyldy. Sonymen qatar teatrdyń irge tasyn qalaýǵa professor Maıra Omarbaeva, aǵa oqytýshy Meıramgúl Aleparova jáne teatrdyń rejısseri hám kórkemdik jetekshisi bolǵan Aqbaráli Aıtybaev syndy azamattar at salysqanyn aıta ketkenimiz jón. Búginde teatr qorjynynda qazaq qalamgerlerimen qosa shet el dramatýrgteriniń súbeli shyǵarmalary bar.
Abaı oblysy
