Tintý barysynda onyń úıinen 21 uıaly telefon, túrli operatorlardyń 48 SIM-kartasy jáne modem tárkilendi. Munyń bári eldi aldap, jeńil paıda tabý maqsatynda qoldanylǵan.
Polısııa málimetinshe, alaıaqtardan Almaty, Astana, Aqtóbe, Qostanaı, Semeı qalalarynyń turǵyndary zardap shekken. Búginge deıin qozǵalǵan bes qylmystyq is boıynsha keltirilgen shyǵyn kólemi 80 mıllıon teńgeden asyp jyǵylady. О́kinishtisi sol, aldanǵan jurt jalǵan nómirlerge esh kúmánsiz aqsha aýdara bergen.
Tergeý barysynda polısııa 17 – 20 jas aralyǵyndaǵy taǵy 15 jasóspirimniń osyndaı zańsyz áreketterge tartylǵanyn anyqtady. Kámeletke tolmaǵandardyń qylmysqa qatysqany úshin úshin tek ózderi ǵana emes, ata-analary da qoldanystaǵy zańnamaǵa sáıkes jaýapqa tartylady.
Polısııa oblystyq bilim basqarmasymen birlese otyryp jastar arasynda qylmystyń aldyn alý is-sharalaryn bastady.
«Kópshilikke Qylmystyq kodekske túzetýler engizilgenin qaıtalap eskertemiz. Máselen, endi jeke deregin nemese SIM-kartasyn alaıaqtarǵa bergen dropperler 7 jylǵa deıin bas bostandyǵynan aıyrylýy múmkin. Sondyqtan álemjelide kúmándi siltemelerdi ashpańyzdar, banktik kartalaryńyzdaǵy derekti, telefonyńyzǵa kelgen bir rettik kodty, tipti tanys adam surasa da, eshkimge aıtpańyzdar», dep habarlady oblystyq PD-nyń baspasóz qyzmeti.
Qostanaı oblysy
