Foto: gov.kz
2,1 mln gektar jer eldi mekenderge jaqyn ornalasqandyqtan, aýyl turǵyndarynyń mal jaıýyna ortaq paıdalanýǵa berilse, qalǵan 4,1 mln-y aýyl sharýashylyǵy taýarlaryn óndirýshiler arasynda konkýrs arqyly bólingen. Sonymen qatar jer paıdalanýshylar ózderine tıesili 4 mln gektar jerdi ıgerýge kirisken.
18 qyrkúıek kúni vıse-premer – ulttyq ekonomıka mınıstri Serik Jumanǵarınniń tóraǵalyǵymen ótken Jer resýrstaryn utymdy paıdalaný jónindegi respýblıkalyq komıssııa otyrysynda paıdalanylmaı jatqan aýyl sharýashylyǵy jerlerin bólý úderisiniń sıfrlyq formatqa kóshirý máselesi de talqylandy.
Jalpy aýyl sharýashylyǵy jerlerin (shóldi aýmaqtardan basqa) sıfrlandyrý 2024 jyly aıaqtalǵan. Búginde 197,9 mln gektar jerdiń kartasy ashyq formatta qoljetimdi, bul el aýmaǵynyń 72,6%-yn quraıdy. Jumystar tolyǵymen 2025 jyldyń sońyna deıin aıaqtaý josparlanǵan.
Komıssııa otyrysynda sondaı-aq Jer resýrstaryn basqarý komıtetiniń aýmaqtyq bólimsheleriniń jyl basynan bergi qyzmeti týraly aqparat berildi. Barlyǵy 2,1 mln gektar jerge 1381 jospardan tys tekserý júrgizilgen. Nátıjesinde 1,5 mln gektardy qamtıtyn 1013 zań buzýshylyqty joıý týraly nusqama berilgen.
Qazirgi tańda buryn berilgen nusqamalar boıynsha 350,1 myń gektar jer ıgerile bastady. Al 52,6 myń gektar boıynsha májbúrli túrde qaıtaryp alý úshin sot isteri júrip jatyr. Jalpy qaıtarylýy tıis 2 mln gektardyń 1,55 mln gektary memleketke qaıtaryldy.
«Aýyl sharýashylyǵy jerlerin ádil bólý – halyq úshin eń ózekti máselelerdiń biri, jer komıssııalarynyń aralasýyn boldyrmaı, úderisti tolyqtaı elektrondy ári ashyq etý qajet», dedi Serik Jumanǵarın.
