Kompozısııanyń ortalyq beınesi – «Er esimi — el esinde» degen jazýy bar polısııa qyzmetkeriniń sılýeti. Bul turaqtylyq pen qyzmetke degen adaldyqty bildiredi.
Mýral Qazaqstan táýelsizdigi jyldarynda qyzmettik boryshyn abyroımen atqaryp júrip, qaza tapqan 29 shyǵysqazaqstandyq polıseıdiń rýhyna arnaldy.
— «Árbir qyzmetker úshin bul art-nysan jaı ǵana sımvol emes, bul – mindet. Biz azamattardyń senimin nyǵaıtyp, qoǵamdyq tártip pen qaýipsizdikti qamtamasyz etýimiz kerek. Memleket basshysy atap ótkendeı, zańdy qatań saqtamaı, zamanaýı ári órkendegen qoǵam qurý múmkin emes. Bizdiń mindetimiz – árbir shyǵysqazaqstandyq pen oblysymyzǵa kelgen qonaq ózin senimdi sezinetindeı, polısııa árdaıym janynda bolyp, qorǵaýǵa daıyn ekenin biletin orta qalyptastyrý», — dep atap ótti ShQO Polısııa departamentiniń bastyǵy, polısııa general-maıory Erlan Omarbekov.
Ashylý saltanatynda qaza tapqan polıseılerdiń týǵan-týystary da boldy. Qyzmetkerlerdiń jubaılary Polısııa departamenti olardyń otbasylaryn nazardan tys qaldyrmaı, uzaq jyldar boıy baılanysyn úzbeı kele jatqanyn aıtty.
Polıseılerdiń esimderi men erlikteri ishki ister organdarynyń tarıhyna máńgilikke jazylyp, batyldyqtyń, antyna adaldyqtyń jáne joǵary kásibıliktiń úlgisi bolyp qala beredi.
