О́z jazbasynda mınıstr ánshiniń kásibı sheberligin joǵary baǵalap, bir ǵana baıqaýdyń nátıjesi ónerpazdyń talantynyń aýqymyn aıqyndaı almaıtynyn atap ótti.
- Siz biz úshin árdaıym jeńimpazsyz. Baıqaýda joǵary deńgeıde óner kórsettińiz. Árıne, jeńis te, jeńilis te qatar júredi. Biraq bir baıqaý barlyq ónerdiń ólshemi emes. Sizdiń erek talantyńyzdy bárimiz qurmet tutamyz. Jarqyn jeńister áli de alda. Sizge tek myqty densaýlyq, sarqylmas kúsh-jiger men shyǵarmashylyq tabys tileımin!, - dep jazdy vedomstvo basshysy jelidegi paraqshasynda.
Mınıstrdiń jazbasy áleýmettik jeli qoldanýshylary arasynda qyzý talqylaýǵa sebep boldy. Kópshilik qoldaý sózderine ún qosyp, Ámireniń shyǵarmashylyǵy elimizdiń mádenı ómirinde áldeqashan óz ornyn alǵanyn, al ónerpazdyń ózi tabandylyq pen sahnaǵa adaldyqtyń jarqyn úlgisi bolyp otyrǵanyn atap ótti.
