Foto: QR Prezıdenti is basqarmasy
Týrızm ındýstrııasy komıtetiniń málimetinshe, qańtar-shilde aralyǵynda «Býrabaı» parkine 600 myńnan astam týrıst taban tiregen.
Ekinshi týrıster tańdaýy túsetin meken - Almaty qalasyna jaqyn ornalasqan Ile-Alataý ulttyq parki. 7 aıda onyń tabıǵı landshafttaryn 507 541 týrıst tamashalaǵan.
Úshtikti Almaty oblysyndaǵy «Kólsaı kólderi» ulttyq parki túıindeıdi. Bul tabıǵı nysandy 350 myńnan astam adam aralaǵan. Onyń aýmaǵyndaǵy kóztartarlyq Kólsaı men Qaıyńdy kólderi bar.
Týrısterdiń sany boıynsha úzdik bestikke Sharyn jáne Baıanaýyl ulttyq parkteri engen.
Sharyn ulttyq parki Almaty oblysynda ornalasqan jáne biregeı shatqalmen kópshilik arasynda tanymal. Oǵan fototýrızm, djıp-týrlar men etnoekspedısııalarmen aınalysatyn saıahatshylar jıi keledi.
Al Baıanaýyl - Pavlodar oblysynda ornalasqan jáne Qazaqstan aýmaǵynda qurylǵan alǵashqy ulttyq park. Bul aımaq taýly landshafttarmen jáne kólderimen erekshelenedi.
