Foto: «UAT» AQ
Jańa servıste Qazaqstanda tirkelgen kólikterdiń tarıhy toptastyrylǵan. Ol jerden avtokóliktiń tirkelýi, tyıym salýlar men kepildikterdiń bolýy, ákimshilik aıyppuldar, kedendik rásimder, ýtılızasııalyq alymnyń tólenýi, erekshe belgiler men berilgen tehpasporttar jónindegi málimetterdi bilýge bolady.
Bul múmkindik kólikti satyp alý kezinde jasyryn máselelerdi aldyn ala anyqtap, táýekelderdi azaıtýǵa jáne avtokóliktiń zańdyq turǵyda qıyndyqtary bar-joǵyn anyqtaýǵa múmkindik beredi. Sonymen qatar, servıs mámilelerdiń ashyqtyǵyn arttyryp, avtonaryqtaǵy alaıaqtyqtyń aldyn alýǵa yqpal etedi.
Aqparat alý úshin azamatqa kóliktiń VIN-kodyn engizý jetkilikti. Osylaısha, esep memlekettik derekter qorynan alynatyn málimetterdiń negizinde naqty ýaqyt rejıminde jasalady.
Bul servıs «SON» mobıldi qosymshasynda (App Store/Google Play) JSN men telefon nómiri arqyly tirkelgennen keıin qoljetimdi bolady.
Aıta keteıik, qyzmet - aqyly. Bir tekserý quny - 500 teńge bolsa, 10 tekseris – 4500 teńge, 20 tekseris – 8000 teńge dep belgilengen.
