«Gedeon Rıhter Qazaqstan» kompanııasynyń qoldaýymen eldiń úsh iri qalasynda (Astana, Almaty, Shymkent) ótken dáriger-gınekologtarmen kezdesýlerde áıelder densaýlyǵy salasynyń mamandary kontraseptıvtik tabletkalarǵa senimsizdik týdyratyn mıfterdi jan-jaqty tarqatyp, qazirgi tańda naryqta bar ınnovasııalyq kontraseptıvtik preparattar men olardyń áıelder densaýlyǵy úshin qanshalyqty qaýipsiz ekendigi týraly baıandady.
«Gedeon Rıhter Qazaqstan» kompanııasy dástúrli túrde júrgizetin Ayelder Dausy jyl saıynǵy saýalnamasynyń derekterine súıensek, áıelder áli kúnge deıin gormonaldy kontrasepsııaǵa senimsizdik tanytady. Eń keń taraǵan kúdikter qatarynda – artyq salmaq qosý, lıbıdonyń tómendeýi jáne reprodýktıvti densaýlyqqa yqpal etý qaýpi bar. Bul derekter taǵy da bir jaıtty dáleldeıdi: qorqynyshtar men mıfter kóp jaǵdaıda áıelderdiń dárigerge júginip, senimdi qorǵanys tásilin tańdaýǵa kedergi keltiredi.
Jańa preparat osy alańdaýshylyqtardy eskergen, ol asqyný qaýpi tómen jaǵdaıda joǵary tıimdilikti kórsetedi, zamanaýı qaýipsizdik standarttaryna jaýap beredi jáne qoldanylýy qarapaıym.
– Biz jańa býyndaǵy preparatpen jumys istep otyrmyz. Estetrol tabıǵı estrogen retinde tańdamaly áserge ıe. Ony qoldaný tromboembolııa men júrek-qantamyr júıesiniń asqynýlary qaýpin tómendetedi, sondaı-aq sút bezi tinine yqpaly barynsha az. Ásirese, onyń metabolıkalyq beıtaraptyǵyn atap ótý kerek, ol aǵzada suıyqtyqtyń jınalýyna áser etpeıdi, tábetti ózgertpeıdi jáne artyq salmaq qospaıdy. Salmaq qosýdan qorqatyn áıelder úshin bul óte mańyzdy, – dedi medısına ǵylymdarynyń doktory, professor Talshyn Ýkybasova kezdesýde.
– Jańa preparattyń qajetsiz júktiliktiń aldyn alýdaǵy tıimdiligi 99,6%-dy quraıdy. Áıelderdiń basym bóliginde ony qabyldaýdy toqtatqannan keıin ovýlıasııa bir aıdyń ishinde qalpyna keledi. Qosymsha artyqshylyqtarynyń biri – 24/4 qabyldaý tártibi. Ol qarapaıym, yńǵaıly jáne beıimdelýdi jeńildetedi. Munyń bári kontrasepsııanyń jańa kezeńi týraly aıtýǵa múmkindik beredi – anaǵurlym qaýipsiz, boljamdy jáne áıelderdiń naqty qajettilikterine baǵyttalǵan, – dep túsindirdi ol.
«Gedeon Rıhter Qazaqstan» kompanııasynyń bas dırektory Pavel Hegaı búgingi tańda áıelderdiń medısınanyń jaı ǵana tıimdiliginen de kóp nárseni kútetinin atap ótti:
– Qazirgi farmasevtıka negizgi fýnksııany oryndap qana qoımaı, aǵzaǵa qosymsha paıda ákeletin keshendi sheshimderge qaraı damýda. Áıelder barǵan saıyn tek bala týýdy josparlaýǵa ǵana emes, jalpy reprodýktıvti densaýlyqty qoldaýǵa kómektesetin preparattardy tańdaıdy. Bizdiń kompanııa da osy baǵytta jumys isteıdi. Biz jańa býyndaǵy ınnovasııalyq ónimniń qazaqstandyq áıelder úshin qoljetimdi bolǵanyna qýanyshtymyz. Bul bizdiń sapaǵa, qaýipsizdikke jáne pasıentke naqty paıda ákelýge adaldyǵymyzdyń nátıjesi, – dedi ol.
Kazakhstan Women’s Health jobasy aıasynda «Gedeon Rıhter Qazaqstan» birneshe jyldan beri eldegi áıelderdiń naqty qajettilikterin zertteý boıynsha belsendi jumys júrgizip keledi.
– Negizgi quraldardyń biri – Ayelder Dausy saýalnamasy, ol kóptegen qazaqstandyq áıelderdiń áli kúnge deıin gormonaldy kontrasepsııaǵa senimsizdik pen qorqynyshpen qaraıtynyn kórsetip otyr. Biz pasıentterdiń qandaı qıyndyqtarǵa tap bolatynyn jaqsy bilemiz. Sol sebepti olardyń úmitine saı zamanaýı, qaýipsizdiktiń jańa deńgeıin jáne yńǵaılylyqty qamtamasyz etetin sheshimderdi usynamyz, – dedi «Gedeon Rıhter Qazaqstan» kompanııasynyń ókili Dınara Birmaǵanbetova.
Qazirgi zamanǵy áıel óz tánine jáne densaýlyǵyna baılanysty máselelerge sanaly túrde qaraýǵa umtylady. Qazaqstan naryǵynda usynylǵan jańa kontraseptıv tıimdiligimen jáne qaýipsizdiktiń jańartylǵan deńgeıimen erekshelenedi. Bul – kontrasepsııany tańdaýda oılanyp sheshim qabyldaıtyn áıelder úshin erekshe ózekti.
Densaýlyqqa qamqorlyq jasaý ómir saltynyń normasyna aınalǵan dáýirde mundaı ınnovasııalarǵa qol jetkizý – áıelderdiń ál-aýqatyna jáne bolashaqqa degen senimine qosylǵan naqty úles.
