Foto: bbc.com
Basym daýyspen birinshi oryn ıelengen «Parı Sen-Jermen» klýbynyń jáne Fransııa ulttyq quramasynyń shabýylshysy Ýsman Dembele alǵash ret «Altyn dopqa» qol jetkizdi. 28 jastaǵy fýtbolshy ótken maýsymda «PSJ» quramynda ishki lıga men kýbok tıtýldaryna qosa, klýbpen birge Chempıondar lıgasy men ÝEFA Sýperkýbogin jeńip aldy, sonymen qatar FIFA klýbtar arasyndaǵy álem chempıonatynyń fınalyna shyqty. Osylaısha Ýsman Dembele fransýzdar sapynan «Altyn dop» alǵan altynshy fýtbolshy retinde tarıhqa enip otyr. Buǵan deıin bedeli bıik marapatqa qol jetkizgen fransýzdar arasynda Raımond Kopa (1958), Mıshel Platını (1983, 1984, 1985), Jan-Per Papen (1991), Zınedın Zıdan (1998) jáne Karım Benzema (2022) bar.
Ekinshi oryndy shilde aıynda ǵana 18 jasqa tolǵan «Barselona» oıynshysy Lamın Iаmal ıelendi. Iаmalǵa 21 jasqa deıingi úzdik aıaqdop sheberine beriletin Raımon Kopa syılyǵy tabystaldy.
Úshinshi oryn «PSJ» komandasynyń portýgaldyq jartylaı qorǵaýshysy Vıtınıaǵa buıyrdy.
Al áıelder arasynda «Barselona» men Ispanııa quramasynyń jartylaı qorǵaýshysy Aıtana Bonmatı úshinshi ret álemniń úzdigi atanyp otyr. Ol osy joly qorjynyn úshinshi «Altyn doppen» tolyqtyrdy.
