Sınoptıkterdiń boljamyna sáıkes, Qostanaı, Aqmola jáne Soltústik Qazaqstan oblystarynda bir apta boıy jaýyn-shashyn jaýady. Aqtóbe (26–30 qyrkúıek), Batys Qazaqstan (25–29 qyrkúıek), Qaraǵandy men Ulytaý oblystarynda (27–30 qyrkúıek) jańbyr kútiledi.
Pavlodar oblysynda 23–25 jáne 28–30 qyrkúıek aralyǵynda, al Shyǵys Qazaqstanda 23–24 jáne 29–30 qyrkúıek kúnderi jaýyn-shashyn bolady. Bul kúnderi qatty jel soǵyp, aýa temperatýrasy birtindep tómendeıdi. Túngi ýaqytta qyraý túsýi yqtımal.
Qazan aıynda elimizdiń basym bóliginde ortasha temperatýra qalypty deńgeıde saqtalmaq. Degenmen, batys, ońtústik-batys jáne ońtústik aımaqtarda aýa raıy ádettegiden jyly bolady.
«Aýa raıynyń qolaısyzdyǵyna baılanysty astyq jınaýǵa yńǵaıly kezeńderdi barynsha tıimdi paıdalaný qajet», dedi Nurken Shárbıev.
