Foto: aigak.kz
Sondaı-aq sharýalarǵa jeńildetilgen baǵamen 422 myń tonna dızel úlestirilgen. Janar-jaǵarmaıdyń qosymsha kólemi astyqty keptirýge qarastyrylǵan.
«Egin jınaý kezeńinde jaýyn-shashynǵa baılanysty astyqty keptirýge 39,9 myń tonna dızel otyny bólindi. Sondaı-aq elevatorlar úshin 16,4 myń tonna kóleminde suıytylǵan gazǵa qajettilik anyqtaldy», dedi Aıdarbek Saparov.
Sonymen qatar Memleket basshysynyń tapsyrmasy boıynsha qarasha aıynda 2026 jylǵy kóktemgi egis jumystaryn erte qarjylandyrý iske qosylady. Búginde 8 myńnan astam aýyl sharýashylyǵy tehnıkasyn satyp alýǵa 253 mlrd teńgege ótinim berilgen.
Sondaı-aq mınıstr elimizdegi egin jınaý naýqany barysyn jáne 10,2 mln gektardan 15,5 mln tonna astyq bastyrylǵanyn aıtty. Jınalatyn 24 mln astyq eldiń ishki qajettilikterin tolyq qamtyp, eksporttyq áleýetti saqtaýǵa da múmkindik beredi dep boljanyp otyr.
«Qazirdiń ózinde 700 myń tonna maıly daqyldar jınaldy. Jalpy, bıyl maıly daqyl tuqymynyń shamamen 4 mln tonna kóleminde rekordtyq túsimi kútilýde. Sondaı-aq 1,8 mln tonna kartop, 2,9 mln tonna kókónis, 2,2 mln tonna baqsha ónimderi jınaldy», dedi mınıstr.
