Foto: ashyq derekkóz
Aýyl sharýashylyǵy mınıstrligi oblys ákimdikterimen birlesip, elevatorlarda astyqtyń jańa túsimin der kezinde qabyldap, keptirýdi uıymdastyrýǵa mindetteldi. О́nimdi saqtaý ınfraqurylymyn tolyq paıdalaný qajettigi de atap ótildi. Sonymen birge astyqty, jemis-jıdek pen kókónis ónimderin saqtaý qyzmetiniń baǵasyn negizsiz kóterýge jol bermeý tapsyryldy. Qajet bolǵan jaǵdaıda bul jumysqa Básekelestikti qorǵaý jáne damytý agenttigi de tartylmaq.
Kólik mınıstrligi «Qazaqstan temir joly» kompanııasymen birlesip, astyq tasymaldaıtyn vagondar men júk kólikteriniń jetkilikti kólemin qamtamasyz etýge mindetteldi. Aýyl sharýashylyǵy mınıstrligimen birge tasymaldaý kestesin úılestirý qajettigi de aıtyldy.
Egin jınaý naýqany kezinde azyq-túlik taýarlarynyń qoryn jasaqtaý tapsyryldy. О́ńir ákimdikteri kókónis ónimderiniń negizgi túrlerin qajetti kólemde jetkizý úshin qyrkúıek aıynyń sońyna deıin kelisimshart jasasýy tıis.
Saýda mınıstrligi aýyl sharýashylyǵy ónimderine baǵa belgileý tizbeginde deldaldyq shemalarǵa qarsy sharalar qabyldap, fermerler úshin ádil sharttarmen satylymdy qamtamasyz etýge mindetteldi. Sonymen qatar negizgi azyq-túlik taýarlary baǵasynyń orynsyz ósýine jol bermeý úshin mınıstrlik ákimdiktermen birlesip, baǵa saıasatyn retteýdiń barlyq tetigin qoldanýy qajet.
Aýyl sharýashylyǵy mınıstrligi oblys ákimdikterimen birlesip, Úkimet janyndaǵy Jedel shtab aıasynda egin oraǵynyń sapaly ótýine turaqty baqylaý júrgizedi.
