Sanjar Táshkenbaı eki dúrkin álem chempıony atandy. Sanjar alǵash ret 2023 jyly 19 jasynda 48 kg salmaq dárejesinde álem chempıonatyn jeńip alǵan edi, eki jyldan keıin bul jetistigin Lıverpýlde 50 kg salmaqta qaıtalap otyr. Aıbek Oralbaı óz esimin Qazaqstan sporty tarıhynda altyn áriptermen jazdy. Ol álem chempıonatynda sýperaýyr salmaqta el tarıhyndaǵy tuńǵysh altyn medaldi jeńip aldy. Nátıjesinde elimiz jalpy esepte birinshi orynǵa shyǵyp, 7 altyn, 1 kúmis jáne 2 qola medal jeńip aldy.
«Sportshylarymyz namysty qoldan bermeı, keremet nátıje kórsetti. Olar óz úlgisimen eńbektiń, tártiptiń jáne ózine degen senimniń úlken jetistikterge aparatynyn kórsetti. Bul jetistikterge bapkerleriniń de qosqan úlesi zor. Astana ylǵı da sportty qoldap, talantty sportshylarymyzdyń damýyna jaǵdaı jasap keledi. Máselen, qalamyzda Boksty damytý ortalyǵy bar, al bıyl Bekzat Sattarhanov atyndaǵy Sport kesheni paıdalanýǵa berildi», dep jazdy qala ákimi.
Sonymen qatar, Jeńis Qasymbek jeńiske jetken sportshylardy quttyqtap, jańa jetistikter men bıik belesterdi baǵyndyrýdy tiledi.
