Ulttyq statıstıka bıýrosynyń málimetinshe, óńirlik turǵyda 2025 jyldyń qańtar–tamyz aılarynda júk aınalymynyń ósimi Astana (15,2%) men Almaty qalalarynda (1,5%), Atyraý (47,8%), sondaı-aq Jetisý (41,1%) jáne Abaı (30%) oblystarynda baıqaldy.
Kólik túrleri boıynsha eń úlken júk tasymaly temirjol kóligine tıesili - 300,3 mln tonna, bul 2024 jyldyń qańtar-tamyz aılarymen salystyrǵanda 11,4% kóp.
Avtomobıl kóligimen tasymal kólemi de 1,8% ósti. Qomaqty ósim qubyr arqyly tasymaldaýda da baıqaldy - 228,1 mln tonna, bul ótken jyldyń deńgeıinen 16,5% joǵary.
Áýe kóligi arqyly 19,1 myń tonna júk tasymaldandy, bul 2024 jyldyń sáıkes kezeńimen salystyrǵanda 7,5% artyq.
Teńiz jáne jaǵalaý kóligi de ósim kórsetti - 30,6%, 2025 jyldyń 8 aıynda 2 485,5 myń tonna júk tasymaldandy.
