Bastamaǵa qatysqan Jambyl oblysy boıynsha ekologııa departamenti Taraz qalasyndaǵy «Mamyr» saıabaǵynda tazalyq jumystaryn uıymdastyrdy. Atalǵan aksııaǵa oblys ákimdiginiń basqarmalary, aýmaqtyq ınspeksııalar, kásiporyndar, ekoaktıvıster, qoǵamdy quıymdar, stýdentter, eriktiler jáne jergilikti turǵyndar qatysyp, is-sharada belsendilik tanytyp, qorshaǵan orta tazalyǵy úshin óz úlesterin qosty.
Sondaı-aq departamentpen «Taza Qazaqstan» ekologııalyq aksııasy aıasynda, «Qazaqstan Ǵarysh Sapary» UQ AQnyń monıtorıng túsirilimi boıynsha oblys aýmaǵynda barlyǵy 198 (Taraz – 28, Shý – 48, Jambyl – 39, Jýaly – 3, Moıynqum – 3, Talas – 36, Qordaı – 41) beıbereket qoqys úıindisi anyqtaldy.
Osyǵan oraı, departament tarapynan Qazaqstan Respýblıkasynyń «Ákimshilik quqyq buzýshylyq týraly» Kodekstiń 344-babynyń 3 tarmaǵymen 21 aýyldyq okrýgine ákimshilik is qozǵalyp, ár aýyldyq okrýg apparatyna 196600 teńge, jalpy sommasy 3961490 teńge aıyppul salynyp, búgingi kúni tolyǵymen óndirildi.
Jambyl oblysy.
