Qasym-Jomart Toqaev pen Fınlıandııa Prezıdenti Aleksandr Stýbb ekijaqty jáne halyqaralyq kún tártibindegi máselelerdi talqylady.
Qazaqstan Prezıdenti joǵary deńgeıdegi jemisti saıası dıalog eki el arasyndaǵy yntymaqtastyqty arttyrýda mańyzdy ról atqaratynyna toqtaldy.
— Osy oraıda Qasym-Jomart Toqaev Fınlıandııa basshysynyń Qazaqstanǵa jasaıtyn aldaǵy sapary qos eldiń saýda-ekonomıkalyq, ınvestısııalyq jáne gýmanıtarlyq áleýetin tanytýǵa yqpal etetinine senimdi ekenin aıtty. Kezdesýde álemdegi qazirgi geosaıası ahýalǵa basa mán berildi, — delingen habarlamada.
