Aýyl sharýashylyǵy salasynda 2025 jylǵy 8 aıdyń qorytyndysynda jalpy ónim 3,4%-ǵa artty. Shamamen 3,6 trln teńge. 9 aıdaǵy boljammen taǵy 2,3%-ǵa ósýge tıis. О́sý dınamıkasy mal sharýashylyǵy (+3,2%, 2,26 trln teńge) men ósimdik sharýashylyǵynda joǵary (+4%, 1,25 trln teńge). Budan keıin qazan aıynda dándi, maıly jáne basqa da daqyldy jınaýdyń jalpy esebinen de ónim kólemi artýǵa tıis.
Qaıta óńdeý jáne tamaq ónerkásibinde azyq-túlik óndirisi 8 aıda 10,1%-ǵa (2,5 trln teńgege jetti), sýsyn óndirisi 7,1%-ǵa (813 mlrd teńge) ósti.
Bul baǵytta kórsetkishtiń jaqsarýyna qant (24%-ǵa, 122,8 myń tonnaǵa deıin), et konservisi (29,7%-ǵa, 5,8 myń tonnaǵa deıin), ósimdik maıy (27%-ǵa, 595 myń tonnaǵa deıin), shujyq ónimi (8,8%-ǵa, 51,2 myń tonnaǵa deıin), sary maı (15%-ǵa, 25,2 myń tonnaǵa deıin) óndirisiniń artýy septigin tıgizdi. Endi 9 aıdyń qorytyndysynda azyq-túlik óndirisi 10,9%-ǵa, sýsyndar 7%-ǵa ósedi dep boljanyp otyr.
Taý-ken ónerkásibi salasynda da ónimdi jumys júrgizilýde. Qańtar–tamyz aılary aralyǵynda 67,4 mln tonna munaı óndirildi Bul byltyrǵy jyldyń segiz aıymen salystyrǵanda 13,4%-ǵa joǵary. Teńizde munaı óndirý isinde de aıtarlyqtaı ósýi baıqalady. Qarashyǵanaqta osy ýaqyt ishinde 8,38 mln tonna (+4,6%) óndirildi. Qashaǵanda óndiris 1,9%-ǵa, 12,16 mln tonnaǵa deıin tómendedi. О́ndiristiń tómendeýine jóndeý jumysy aıtarlyqtaı áser etken.
Bıylǵy 9 aıda munaı óndirý 75,6 mln tonnaǵa (+13%), al gaz óndirý – 51,6 mlrd tekshe metrge (+17%) jetýge tıis. Gaz óndirý 2025 jylǵa arnalǵan josparda – 62,8 mlrd tekshe metr (+6,4%). Segiz aıdaǵy munaı óńdeý 12,2 mln tonna (+5,6%), qyrkúıektiń sońyna qaraı 14 mln tonna (+5,9%) bolýǵa tıis. Munaı ónimin óndirý segiz aıda – 10,2 mln tonna (+8,7%), bir jylda – 13,7 mln tonnaǵa jetýi kerek. Munaı-gaz hımııasy: 418,9 myń tonna (+5%), bir jylǵa boljam – 590 myń tonna (+9,3%).
Saýda-sattyq salasynda da oń ósim baıqaldy. 8 aıdaǵy saýda 8,9%-ǵa ósip, 44,9 trln teńgeni qurady. Bul ótken jylmen salystyrǵanda 14%-ǵa joǵary. Negizgi úles Almaty (15,5 trln teńge), Astana (6,6 trln), Atyraý (4,8 trln), Qaraǵandy (2,8 trln) oblystary jáne Shymkent (2,2 trln) qalalaryna tıesili. О́sý negizinen kóterme saýda esebinen qamtamasyz etildi (+3,5 trln teńge, ótken jylǵa 109,8%). Onyń shinde azyq-túlikke jatpaıtyn taýardyń úlesi 80%-dan 82%-ǵa deıin ósti (munaı jáne munaı ónimderi, farmasevtıka, metallýrgııa, tehnıka, avtokólik). Azyq-túlik taýarynyń úlesi 18% (astyq, maılar, tamaq ónimi, sýsyn).
Bólshek saýdada qurylym saqtaldy: 68% azyq-túlikke jatpaıtyn taýardan (+1,4 trln), 32% – azyq-túlik taýarynan (+0,6 trln) túsim bolǵan.
Kólik jáne logıstıka, onyń ishinde kólik salasy ekonomıka jaı-kúıiniń dálme-dál kórsetkishi ispetti. Qańtar-tamyzda kólik jáne qoıma salasynda kórsetilgen qyzmet kólemi 21,5%-ǵa artqan. Bıylǵy 9 aıǵa boljamda – 21,6%-ǵa óspek. Taý-ken-metallýrgııa, munaı-gaz, agrarlyq, qurylys jáne saýda sektorynda júk tasymalynyń qarqyn alý kórsetkishtiń jaqsarýyna áser etti.
Qyrkúıektiń sońyna deıin, ıaǵnı bıylǵy 9 aıda jolaýshy tasymaly +7,8% (1,36 mlrd adam) bolýy múmkin. Júk jóneltýdegi ósimge ERG (+3%), Bogatyr Kómir (+2%), MО́Z (+3%), Qarmet (+11%), Kaz Minerals (+1%) syndy irgeli kásiporyndar orasan úles qosty.
О́ńdeý ónerkásibinde qańtar-tamyz aralyǵyndaǵy ósý kórsetkishi – 6,1%. Metallýrgııa, mashına jasaý, hımııa, jeńil ónerkásip, qurylys materıaly, rezeńke-plastıkalyq buıym, jıhaz óndirisinde oń dınamıka saqtalýda.
Qurylys órisinde bıylǵy qańtar-tamyz aılary aralyǵynda 4,8 trln teńgeniń jumysy oryndaldy (NKI 118,1%). 9 aıǵa boljam – 17,7%-ǵa jetý.
Shtab otyrysynyń qorytyndysynda Serik Jumanǵarın taıaý kezeńdegi barlyq salalardyń negizgi mindeti mıkroekonomıkany nyǵaıtý ekenin atap ótti. Iаǵnı ósý qarqynynyń tómendeýine jol bermeý úshin saladaǵy árbir kásiporynnyń máselelerin der ýaqytynda ońtaıly sheshý qajettigin eskertti.
