«Teńgemen otandyq steıblkoındi iske qosý sıfrlyq ınnovasııalyq sheshimderdi dástúrli qarjy ınfraqurylymymen biriktirip, krıpto-fıat kanalyn keńeıtýdiń jańa múmkindikterin ashady. Krıptovalıýtany teńgemen qamtamasyz etilgen steıblkoınge aıyrbastaýǵa jáne krıptokartalardy paıdalana otyryp saýda operasııalaryn júrgizýge múmkindik týady», dep habarlady Ulttyq bank.
UB tóraǵasy Tımýr Súleımenov Memleket basshysynyń tapsyrmasyna sáıkes sıfrlyq qarjy ónimderin damytý qolǵa alynǵanyn atap ótti. Qazir synaq alańynda tórt baǵyt boıynsha segiz pılottyq joba iske asyrylyp jatyr, olardyń alǵashqysy – qazaqstandyq steıblkoın.
Maýsym aıynda Ulttyq bank krıptovalıýtany teńgege birden konvertasııalap tólem jasaýǵa múmkindik beretin krıptokartalardy da iske qosqan bolatyn.
Steıblkoın – fıat valıýtamen qamtamasyz etilgen sıfrlyq aktıv. Al synaq alańy – osyndaı jańa jobalardy qaýipsiz synap kórýge arnalǵan arnaıy rejim.
