Onyń aıtýynsha, burynǵy 170 myń teńgeniń ornyna qazir aýla sypyrýshylar 350 myń teńgege deıin jalaqy ala alady. Sonymen qatar, qala aýdandaryn tazalaý isine tartylǵan mamandardyń sany eki esege artyp, 3 175 adamǵa jetti.
Jańa júıe boıynsha árbir aýdanǵa bir ǵana merdiger jaýap beredi. Ol kóshe, trotýar, aryq, aıaldama jáne jasyl aımaqtardyń tazalyǵyn tolyq qamtamasyz etpek. Buryn bir aýmaqta birneshe kompanııa qatar jumys istep, jaýapkershiliktiń naqty bólinbeýi men qosymsha shyǵyndardyń týyndaýyna ákeletin.
«Fasadtan fasadqa deıin» qaǵıdatynyń engizilýi jumystardy úılestirýge jáne baqylaýdy kúsheıtýge múmkindik beredi.
Qala ákimdigi resýrstary jetkilikti bes merdiger kompanııamen ǵana jumysyn jalǵastyrady. Qalǵanymen kelisimsharttar toqtatylady. Budan bólek, sapaly sanıtarlyq tazalyq júrgizý úshin úsh aýysymdy táýlik boıǵy jumys kestesi engizilip, qosymsha 300-den astam arnaıy tehnıka satyp alynbaq.
