Foto: istockphoto.com
Kelisimge sáıkes, taraptar sot úkimin oryndaý nemese qylmystyq jaýapkershilikke tartý maqsatynda óz aýmaǵynda júrgen adamdardy bir-birine berý mindettemesin qabyldaıdy. Bul norma eń kemi bir jylǵa bas bostandyǵynan aıyrý nemese odan da aýyr jaza qarastyrylǵan quqyq buzýshylyqtarǵa qatysty qoldanylady. Úkimdi oryndaý úshin ustap berýge suraý salý kezinde qalǵan jaza merzimi keminde alty aı bolǵan jaǵdaıda jol beriledi.
Sonymen birge birqatar erekshelikter qarastyrylǵan. Máselen, jeke tulǵa suraý salynatyn taraptyń azamaty bolsa, qylmys saıası sıpatta jasalsa, suraý salý násiline, dinine nemese ultyna baılanysty qýdalaýǵa nemese jazalaýǵa qatysty bolsa, qylmys áskerı qylmys bolsa nemese suraý salynǵan tarap jeke tulǵaǵa baspana bergen jaǵdaılarda ustap berýden bas tartylady.
Qujattyń oryndalýyn qamtamasyz etetin quzyrly organdar retinde Qazaqstannyń Bas prokýratýrasy jáne Marokkonyń Ádilet mınıstrligi belgilendi.
