Onyń sózinshe, qazirgi aıyppuldar áser etpeı otyr. Keıbir ınflıýenserler ýaqytsha kompanııa quryp, paıdasyz beıne-kýrstardy satady da, lotereıany soǵan «qosymsha syılyq» retinde kórsetedi. Júlde retinde páter, kólik, kottedj usyný arqyly halyqty qyzyqtyrady.
Máselen, 3 mln jazylýshysy bar Darhan Jolshybekov úı utysyn ótkizip, 1,5 mlrd teńge jınaǵan. «Supermamasita» atymen tanymal Álııa Baıtýǵaeva 500 mln teńge tapqan. «Justking31» jáne «AminaXO» akkaýnttary da 1,5 mlrd teńge kóleminde qarajat ıelengen. Al Janábilovter otbasyna kólik utysyna baılanysty qylmystyq is qozǵalýy múmkin.
Depýtat zańsyz áreketterdi áshkereleý úshin birneshe usynys jasady. Onyń ishinde qylmystyq is qozǵaý úshin tabys shegin tómendetý, zańsyz utystardan túsken somany ashyq jarııalaý jáne Memlekettik kirister komıtetin blogerlerdiń tabysy jónindegi aqparatty Mádenıet jáne sport mınıstrligimen bólisýge mindetteý bar.
Sonymen qatar onlaın-mektepter úshin ashyqtyq tetigin engizý usynyldy. Bul olardyń bedelin, oqytýshylardyń biliktiligin jáne zańdyq tazalyǵyn tekserýge múmkindik beredi.
