Foto: Depositphotos.com
Qazirgi tańda BUU-ǵa múshe 193 memlekettiń ishinde shamamen 160-y Palestınany derbes memleket retinde tanıdy. Bul álem qaýymdastyǵynyń tórtten úshinen astamyn quraıdy. Sonymen qatar Vatıkan da Palestınany qoldap, BUU janynda baqylaýshy mártebesin saqtap otyr.
Palestına táýelsizdigin alǵash ret 1988 jyly Iаsır Arafat Aljırde jarııalaǵan edi. Sodan beri Azııa, Afrıka, Latyn Amerıkasy jáne arab memleketteri jappaı qoldaý bildirgen. Qazir bul úrdiske Eýropa men anglosakson elderi qosylyp, geografııasy keńeıip otyr.
Saıasattanýshylardyń pikirinshe, mundaı moıyndaýlar Palestınanyń halyqaralyq mártebesin kúsheıtip, elshilikter ashýǵa, saýda baılanystaryn damytýǵa jáne túrli uıymdarda qoldaý tabýǵa jol ashady. Degenmen, Izraılmen qaqtyǵysty sheshý bir kúnde múmkin emes.
Izraıl tarapy jańa sheshimderdi synǵa alyp otyr. Premer-mınıstr Bınıamın Netanıahý palestınalyq memlekettilikti joqqa shyǵarsa, eldiń BUU janyndaǵy ókili Dennı Danon bul qadamdy «terrorızmdi marapattaý» dep baǵalady. AQSh bolsa burynǵy ustanymyn saqtap, Palestınany tek kelissózder nátıjesinde paıda bolatyn jaǵdaıda ǵana qoldaıtynyn málimdedi.
