Aýyl • 25 Qyrkúıek, 2025

Aýyl turǵyndary ınternet ıgiligin paıdalana bastady

110 ret
kórsetildi
2 mın
oqý úshin

Elimizdegi jetekshi uıaly baılanys operatory Ksell 2025 jyldyń basynan beri aýyldyq eldi mekenderde 4G jelisin keńeıtý jumystaryn qarqyndy júrgizip keledi. Osy jyldyń ózinde elimizde barlyǵy 712 aýylda joǵary jyldamdyqty 4G uıaly ınternet qoljetimdi boldy. Sonyń ishinde 243 – Túrkistan (78), Qyzylorda (38), Mańǵystaý (36), Aqtóbe (25), Atyraý (20) jáne ózge óńirlerdegi aýyldarda alǵash ret 4G bazalyq stansııalary ornatylyp, myńdaǵan turǵyn turaqty ári sapaly baılanyspen qamtyldy, dep habarlaıdy Egemen.kz.

Aýyl turǵyndary ınternet ıgiligin paıdalana bastady

Bul jumys shalǵaıdaǵy aýyldardyń sıfrlyq ınfraqurylymyn nyǵaıtyp, eldi mekenderdiń áleýmettik-ekonomıkalyq damýyna tyń serpin beredi. Aıta keterligi, Ksell kompanııasy ornatyp jatqan bazalyq stansııalarynyń 75%-dan astamy dál osy 4G jelisine tıesili.

Eń mańyzdysy, atalǵan aýyldardyń 59-y «250+» jobasy aıasynda baılanyspen qamtamasyz etildi. «250+» jobasynyń negizgi maqsaty — halqy 250 adamnan asatyn shaǵyn eldi mekenderge jyldam ári turaqty uıaly baılanys ornatý. Bul joba aýyl men qala arasyndaǵy sıfrlyq alshaqtyqty azaıtyp, aýyl turǵyndarynyń áleýetin tolyq ashýǵa múmkindik beredi. Jańa 4G baılanysy arqyly aýyl turǵyndary telemedısına, qashyqtan bilim alý, elektrondy memlekettik qyzmetter men kásipkerlik salasynda tıimdi ári qoljetimdi múmkindikterge ıe bolady.

«Ksell ınternettiń jyldamdyǵy men sapasyn arttyrýǵa turaqty ınvestısııa quıyp otyr. Tek 2023–2024 jyldary ǵana 255 mıllıard teńgeden astam qarajat bólindi. Árbir jańa bazalyq stansııa – bul aýyl turǵyndaryna jańa múmkindikterge ashylǵan esik. Bizdiń basty maqsatymyz – aýyl men qala arasyndaǵy sıfrlyq teńdikti qamtamasyz etý»,  deıdi «Ksell» AQ Basqarma tóraǵasy Asqar Jambakın.

Bul baǵyttaǵy jumystyń nátıjesi aýyldardaǵy ınternet trafıginiń edáýir ósýinde baıqalady. Mysaly, 2025 jyldyń alǵashqy jartyjyldyǵynda Ksell jelisindegi ınternet trafıgi 630 petabaıtqa jetip, ótken jylmen salystyrǵanda 67% ósti. Bul kórsetkishter jeli sapasynyń jaqsarǵanyn ǵana emes, sonymen qatar aýyl halqynyń sıfrlyq tehnologııalardy belsendi túrde qoldana bastaǵanyn dáleldeıdi.

«250+» jobasy – tek baılanys sapasyn jaqsartý emes, aýyldyq jerlerdiń ómir súrý deńgeıin jańa deńgeıge kóterýge baǵyttalǵan aýqymdy áleýmettik bastama. Bul joba elimizdiń sıfrlyq damý strategııasynyń mańyzdy bóligi retinde elimizdiń barlyq aımaqtarynda teń múmkindikterdi qalyptastyrýǵa úles qosady.