Taraptar ekijaqty mádenı yntymaqtastyqtyń qazirgi jaǵdaıy men bolashaǵyn talqylady. Mınıstrler Qazaqstan men Fransııa arasyndaǵy mádenı-gýmanıtarlyq baılanystardyń qarqyndy damyp kele jatqanyn atap ótip, memleket basshylarynyń eki elge sapary yntymaqtastyqty jandandyrýǵa serpin bergenin erekshe atap kórsetti.
Aıda Balaeva mýzeı isi, arheologııa jáne tarıhı-mádenı murany saqtaý sııaqty baǵyttarda tájirıbe almasýdy damytýdyń mańyzyn atap ótti. Sondaı-aq ol ǵylymı-zertteý salasyndaǵy yntymaqtastyqty keńeıtýdi, qazaqstandyq mamandardy Fransııanyń jetekshi mádenı mekemelerinde taǵylymdamadan ótkizýdi, sonymen qatar birlesip kınoóndirý, mýltıplıkasııa jáne balalar kontentin damytýdy usyndy.
Eki el mádenıet salasynyń tehnıkalyq baǵyttaryndaǵy mamandardyń biliktiligin arttyrý jáne oqytý boıynsha yntymaqtasýǵa kelisti. Ásirese, dybys rejısserleri, jaryq sýretshileri, tehnolog-sýretshiler, beıneınjenerler, sahna mashınısteri, sahnalyq kostıýmder sýretshileri, býtafor-dekoratorlar, grımıor-postıjıorler jáne basqa da tapshy mamandyqtar boıynsha kadrlar daıarlaýǵa erekshe nazar aýdarylatyn bolady.
О́z kezeginde Rashıda Datı Qazaqstannyń mádenı murany saqtaý isindegi jumysyn oń baǵalap, eki eldiń salalyq mekemeleri arasyndaǵy tájirıbelik yntymaqtastyqty keńeıtýge daıyn ekenin bildirdi.
Kezdesý qarsańynda Parıjdegi IýNESKO shtab-páterinde otandyq uly kompozıtor ári dırıjer Nurǵısa Tilendıevtiń 100 jyldyǵyna arnalǵan merekelik konsert ótti. Is-shara sheteldik kórermenge elimizdiń baı mádenı murasymen jaqynyraq tanysýyna múmkindik berdi. Konsert jergilikti turǵyndardyń kóńilinen shyqty.
