Tergeý málimetinshe 32 jastaǵy jedel ýákildi esirtki bıznesine qarsy kúres basqarmasynyń qyzmetkerleri ustaǵan. Tintý kezinde onyń qaltasynan jáne kóliginen salmaǵy bir kılogramnan asatyn untaq tárizdi zat tabylǵan.
«Qazir sotqa deıingi tergeý júrip jatyr», — degen vedomstvonyń baspasóz qyzmeti basqa málimet berýden bas tartty.
Atyraý oblystyq polısııa departamenti de aqparat berýge qylmystyq-prosestik kodekstiń 201-babymen shekteý qoıylatynyn, málimet tek prokýratýranyń kelisimimen jarııa etiletinin atap ótti.
«Sotqa deıingi tergeý derekteri jarııalanbaıdy. Olardy prokýrordyń ruqsatymen ǵana, tergeý múddesine qaıshy kelmeıtin kólemde jarııalaýǵa bolady», — delingen resmı jaýapta.
