Bir baıqaǵanymyz, sharýashylyq sýarmaly eginshilik salasynda da ozyq tájirıbe qoldanyp otyr. Qazir onda «Fregat», «Valley», «Reinke», «Zimmatic» markaly 36 zamanaýı sýarý qondyrǵysy jumys istep tur. Bıyl Soltústik Qazaqstan oblysynyń tájirıbesin negizge ala otyryp, qosymsha 600 gektarǵa sýarý júıesi engizilipti. Oblys ákimi Berik Ýálı qazaqtyń aqbas sıyry, áýlıekól tuqymdary baǵylatyn jaıylymdyq jerlerdi, kartop, sábiz, sarymsaq, júgeri, qyryqqabat ósirilip jatqan alqaptardy, kókónister saqtalatyn qoımany, zamanaýı tehnıkalarmen jabdyqtalǵan avtoparkti aralap kórdi.
«Agrofırma Prırechnoe» JShS óristen dúken sóresine deıin qaǵıdatyn júzege asyrady. Memleket basshysy «Úlken qalalardyń janynda azyq-túlik beldeýin qalyptastyrý kerek» dep únemi aıtady. Bıylǵy Joldaýynda da agroónerkásipti damytýǵa erekshe toqtaldy. Semeıdiń irgesindegi sharýashylyq Prezıdent aıtqandaı, azyq-túlik beldeýin qalyptastyryp, turaqtandyrý qory negizinde qalany azyq-túlikpen tolyq qamtamasyz etip otyr. Mundaı úlgili sharýashylyqtar óńirdiń áleýmettik-ekonomıkalyq damýyna eleýli úles qosady», dedi oblys ákimi.
«Agrofırma Prırechnoe» JShS bas dırektory Muhıt Tumabaevtyń aıtýynsha, kásiporyn sábiz, sarymsaq, qyryqqabat, kartop sekildi ónim túrlerin turaqtandyrý qoryna jetkizedi.
«Bıyl shyǵymy jaqsy. Semeı halqyn kókónispen tolyq qamtımyz. Kókónisterdi jınaý jumysy qazan aıynyń sońyna deıin aıaqtalady. Qarashadan mamyrǵa deıin ónimderimizdi qoljetimdi baǵada dúkenge deıin jetkizip beremiz», deıdi.
Kásiporynda aldaǵy ýaqytta 5 myń basqa arnalǵan bordaqylaý alańy salynbaq. О́ńir basshysy bordaqylaý alańynyń qurylys alańyna baryp, nysannyń alǵashqy qazyǵyn qaqty. Kásip ıeleriniń aıtýynsha, jalpy quny 4 mlrd teńgeni quraıtyn joba kelesi jyly aıaqtalady. Oblys ákimi munyń bári 2026 jyly Abaı oblysynda paıdalanýǵa beriletin iri et kombınatynyń shıkizatyn daıyndaý úshin atqarylyp jatqan jumys ekenin jáne bul baǵyttaǵy jumysty jalǵastyra berý qajettigin jetkizdi.
Abaı oblysy
