Foto: gurk.kz
Baǵdarlama jańa aýyl sharýashylyǵy maýsymyna tııanaqty daıyndalýǵa, janar-jaǵarmaıdy qolaıly baǵamen satyp alýǵa, tyńaıtqysh alýǵa, tehnıkany jóndeýden ótkizýge jáne qajetti tuqym qoryn jınaqtaýǵa jol ashady.
«Keń dala 2» sheńberinde jyldyq 5% jeńildetilgen syıaqy mólsherlemesi usynylady. Osy oraıda, kepil múlik máselelesin sheshý úshin qaryz somasynyń 85%-yna deıin «Damý» qorynyń kepildigimen qamtý josparlanǵan.
Aýyl sharýashylyǵy mınıstrliginiń málimetinshe, qarjylandyrý respýblıka boıynsha «Agrarlyq nesıe korporasııasy» AQ-nyń aýqymdy fılıaldyq jelisi jáne seriktes qarjy ınstıtýttary arqyly júzege asyrylady.
Baǵdarlamany júzege asyrý úshin 700 mlrd teńge bólinip, qazirdiń ózinde 500 mlrd teńgeden astamy ıgerilgen.
«Keń dala 2» baǵdarlamasyna qatysýǵa ótinim berý úshin sala ókilderi «Agrarlyq nesıe korporasııasy» AQ-nyń aımaqtyq fılıaldaryna júgine alady. Tolyq aqparatpen Agrocredit.kz saıtynda tanysýǵa bolady.
Aıta keteıik, erte qarjylandyrý tetigi 2024 jyldyń qarasha aıynyń sońynda iske qosylyp, sharýalar tarapynan birden joǵary suranysqa ıe bolǵan.
