Bul qatardaǵy naýqan emes

L.N.Gýmılev atyndaǵy Eýrazııa ulttyq ýnıversıtetinde merziminen buryn prezıdenttik saılaý ótkizýdi qoldaý maqsatynda «El jastary Elbasyn qoldaıdy» atty taqyrypta dóńgelek ústel ótti. Dóńgelek ústeldi Stýdenttik ǵylymı qoǵamnyń tóraǵasy Aıbol Arynǵazınov júrgizip otyrdy. Basqosýda áleýmettik-mádenı damý jó­nin­degi prorektor, fılologııa ǵylymdarynyń doktory, professor, QR UǴA múshe-korres­pon­denti Dıhan Qamzabekuly sóz sóıledi. Ǵalym óz sózinde ýnıversıtettegi ǵylymmen aınalysatyn belsendi jastardyń usynysy qoldaý tapqanyn jáne búgingi basqosý sonyń nátıjesi ekenin atap ótti. Dıhan Qamzabekuly dóńgelek ústel­diń mańyzdylyǵyna toqtala kelip, táýelsizdikke qol jetkizýdegi jáne qazirgi zamandaǵy Qazaqstan memlekettiligin qalyptastyrýdaǵy Nursultan Ábishuly Nazarbaevtyń erekshe úlesin jáne bizdiń halqymyzdyń baqytty da baıandy ómir súrýi Elbasynyń kóregen kóshbasshylyǵy men sarabdal saıasatynyń nátıjesi ekenin atap ótti. «Nursultan Ábishuly – táýelsiz Qazaqstanda ǵana emes, álemdik deńgeıde óz orny men bedeli bar dara tulǵa», deı kelip, Elbasynyń erekshe qasıetterine nazar aýdardy. Sonymen qatar, búgingi dóńgelek ústel basyndaǵy áńgime EUÝ stýdentterine ǵana emes, qazaqstandyq jastarǵa da rýhanı qundylyq retinde qosymsha serpin beretinin jetkizdi. Jastar bas qosqan jıynda jas ǵa­lym­dar keńesiniń tóraıymy, saıa­sı ǵylymdar kandıdaty, Tuńǵysh Pre­zı­dent Qory syılyǵynyń ıegeri Áıgerim Turhanova, irgeli mate­ma­tıka kafedrasynyń dosenti, PhD doktory, «Daryn» Memlekettik jas­tar syılyǵynyń laýreaty Aı­nur Temir­hanova, Qazaqstan halqy Assam­bleıasy kafed­rasynyń dosenti, PhD doktory Halel Maslov, Shetel tilderiniń teorııa­sy jáne tájirıbesi kafedrasynyń aǵa oqy­týshysy, PhD doktory Gúljan Dos­jan sóz sóılep, bolashaqty El­ba­symen birge quratyndyqtaryn málimdedi. Basqosý sońynda L.N.Gýmılev atyndaǵy Eýrazııa ulttyq ýnıver­sıtetiniń jas ǵalymdary men belsendi stýdentteri jáne professor-oqytýshylar quramy «Meniń tańdaýym – Elbasy N.Nazarbaevpen birge ekonomıkasy kúshti, saıası turaqty Qazaqstan!» atty úndeý qabyldady. * * * Gúljan DOSJAN, EUÝ fılologııa fakýlteti Jas ǵa­lym­dar keńesiniń tóraıymy, PhD doktory: – Ata-babamyz aq naızanyń ushymen, aq bilektiń kúshimen qorǵap, bizderge amanattaǵan baıtaq Otanymyz – Qazaqstanda alańsyz ǵumyr keshýdemiz. Osyndaı ulan-ǵaıyr jerdi qorǵaýda, ony bizge amanattaýda qanshama aǵa-urpaq óz jandaryn qurban etti. Ata-babamyz ańsaǵan azattyq tańy atqanyna da shırek ǵasyrǵa jýyq ýaqyt ótti. Osy jyldar ishinde álemniń myqty memleketteri sanasatyn abyroıly elge aınaldyq. Kók týy jelbiregen, Ánurany sharyqtaǵan, ashyq aspan astynda bereke-birligi jarasqan táýelsiz Qazaqstanda ómir súrýdemiz. Mine, osyndaı jarqyn jetistikterge jetýimiz eń birinshi kezekte Elbasynyń arqasy. Jer kólemi jóninen álemde toǵyzynshy oryn alatyn, asty qymbat qazynaǵa, ústi jalyndy jastarǵa toly osynaý keń-baıtaq memleketti basqarý erdiń eriniń ǵana qolynan keletin is. О́zderińiz biletindeı, jaqynda Qazaqstan halqy Assambleıasy músheleri prezıdenttik saılaýdy merziminen buryn ótkizý jóninde bastama kóterdi. Menińshe, bul bastamaǵa el aǵalarymen qatar, myqty kóshbasshy kerek. Qudaıǵa shúkir, bizde ondaı kóshbasshy bar. Ol – óz eliniń taǵdyry úshin barlyq qıyndyqqa moıymaıtyn jáne alǵa zor maqsattar qoıa biletin bizdiń ardaqty basshymyz – Nursultan Ábishuly Nazarbaev. Myna bizder bilim alyp jatqan qara shańyraq – Elbasynyń ıdeıasynan týǵan bilim ordasy. Osynda qanshama azamat bolashaqqa qadam basty. Munda óz isiniń bilgir mamandary dáris berýde. Munyń barlyǵy, túptep kelgende, Prezıdentimizdiń salıqaly saıasatynyń arqasy. Saılaý – bir kúndik qatardaǵy naý­qan emes, bul el taǵdyry sheshiletin óte mańyzdy oqıǵa. Barsha qazaq­stan­dyqtardyń bolashaǵyn aıqyndaıtyn kún. Sondyqtan da, saılaý belgilene qalǵan jaǵdaıda aıtýly oqıǵadan barlyǵymyz tys qalmaı, bir judyryqtaı jumylyp, Elbasymyzǵa qoldaý bildireıik. Sonda ǵana bizdiń Qazaqstan ata-babamyz armandaǵan qýatty elge aınalatyn bolady. Anar TО́LEÝHANQYZY, «Egemen Qazaqstan». ASTANA.