Foto: gov.kz
Oqý-aǵartý mınıstrliginiń málimetinshe, sońǵy bir jylda kolledjderge sheftik qamqorlyq kórsetetin kásiporyndar sany da 8 esege artyp, 4,1 myńǵa jetti. Kásiporyndar oqý oryndarynyń materıaldyq-tehnıkalyq bazasyn nyǵaıtýǵa, oqý baǵdarlamalaryn jetildirýge jáne túlekterdiń jumysqa ornalasýyna belsendi qoldaý kórsetip keledi.
Jumysqa ornalasý kepildigi bar maqsatty tapsyrystar aıasynda buǵan deıin kásiporyndar jyl saıyn shamamen 10 myń stýdentti qabyldasa, bıyl bul kórsetkish 13 myńǵa jetti. Mundaı ósim eńbek naryǵynyń naqty suranysyna saı mamandar daıarlaý isiniń nátıjeliligin kórsetedi.
Sonymen qatar ulttyq «Maman» baǵdarlamasy aıasynda kásibı baǵdarlaý júıesi jańartylýda. Joǵary synyp oqýshylaryna arnalǵan pılottyq joba iske qosylyp, olar jalpy bilim berý pánderin mektepterde, al kásibı daıarlyqty kolledjderde ıgerýde. Osylaısha, 11-synypty aıaqtaǵan túlekter attestatpen birge orta tehnıkalyq bilim týraly dıplom da alady. Bıyl alǵashqy 905 oqýshy eńbek naryǵyna kásibı biliktilikpen shyqty.
Jasóspirimderdiń erte kásibı baǵdaryn qoldaý maqsatynda ár mektepke arnaıy pedagog kásibı baǵdar berýshi laýazymy engizilip, 825 beıindik synyp ashyldy. Bul sharalar oqýshylarǵa mamandyqty sanaly tańdaýǵa kómektesip, olardyń eńbek naryǵyna daıarlyǵyn kúsheıtedi.
