Birinshisi – jeńildetilgen deklarasııa negizinde arnaýly salyq rejımin qoldanýǵa tyıym salynǵan qyzmet túrleriniń tizimi. Bul qatarǵa iri bızneske tán salalar engizilgen: óńdeý ónerkásibi, qurylys, jer qoınaýyn paıdalaný, kóterme saýda, iri rıteıl, telekommýnıkasııa, qarjy jáne saqtandyrý, konsaltıng jáne t.b.
Ekinshisi – ózin-ózi jumyspen qamtyǵandarǵa arnalǵan arnaýly salyq rejımin qoldanýǵa ruqsat etilgen qyzmet túrleriniń tizimi. Bul tizimge aıaq kıim jóndeý, taksı, sulýlyq salondary, turmystyq tehnıka jóndeý, mádenıet pen sport salasyndaǵy qosymsha qyzmetter sııaqty 46 baǵyt kirgen.
Qujattar arnaýly salyq rejımin ádil qoldanýdy qamtamasyz etýge, ákimshilendirýdi jeńildetýge jáne shaǵyn bıznesti qoldaýǵa baǵyttalǵan.
