Saltanatty sharada aýdan ákimi Bota Eleýsizova sý qubyrynyń tartylýy tabıǵatty qorǵaý isinde, týrızmdi damytýda jáne demalýshylarǵa qolaıly jaǵdaı jasaýda erekshe mánge ıe ekenin atap ótti.
«Sý – tirshilik nári. Búgingi joba tek týrısterge ǵana emes, jalpy óńirdiń týrıstik áleýetin arttyrýǵa baǵyttalǵan mańyzdy qadam der edim. Bul – tabıǵatty aıalaý men ekologııalyq týrızmdi órkendetýge qosylǵan zor úles», – dedi aýdan ákimi.
Jańa sý qubyrynyń iske qosylýy Sharyn shatqalyna kelýshilerge qolaıly jaǵdaı jasap qana qoımaı, ulttyq parktiń ekologııalyq turaqtylyǵyn saqtaýǵa da yqpal eteri sózsiz. Joba memleket pen bıznes arasyndaǵy tıimdi áriptestiktiń naqty nátıjesinde júzege asyp otyr.
Ashylý rásiminde qatysýshylar tabıǵatty qorǵaý jáne týrızmdi damytýǵa baǵyttalǵan osyndaı birlesken bastamalardyń óńir úshin strategııalyq mańyzdylyǵyn atap ótti. Bul ıgi is-shara Jetisý óńirindegi ekologııalyq týrızmniń damýyna da jańa serpin berip, ulttyq park qonaqtaryna jaıly jaǵdaı jasaýdyń jarqyn úlgisine aınalmaq.
Almaty oblysy.
