Kýágerlerdiń aıtýynsha, aldymen úıdiń syrtyndaǵy shóp janǵan. Odan keıin jalyn sharýashylyq qurylystarǵa, sońynda ekiqabatty turǵyn úıge taraǵan.
«Oqıǵa ornynda qatty gúrsilder men jarylystar estildi, ot óte tez jaıyldy», – deıdi turǵyndar.
О́rt kezinde úıde barlyq bala bolǵan. Abyroı bolǵanda, ata-ana barlyǵyn der kezinde evakýasııalap úlgergen. Qazir kópbalaly januıa týystarynyń úıine kóshirildi. Eń kishi náreste nebári úsh aptalyq.
Oqıǵaǵa qatysty Jambyl oblysy Tótenshe jaǵdaılar departamenti resmı málimdeme jasady.
«О́rt sóndirýshiler kelgen kezde aýlada ornalasqan qurylys pen ekiqabatty úıdiń shatyry órtenip jatqan. Jalynnyń jalpy aýmaǵy shamamen 100 sharshy metrdi qurady. О́rt 6:57-de tolyq sóndirildi. Qaza tapqandar men jaraqat alǵandar joq. Qazirgi ýaqytta órttiń shyǵý sebebi anyqtalýda», – delingen habarlamada.
