Telearna basshysylyǵy uıymdastyrǵan jabyq kórsetilimge oblys ákiminiń birinshi orynbasary Nurjan Kalenderov, basqarma basshylary, BAQ ókilderi, telearna ujymy jáne mektep oqýshylary qatysty.
JI arqyly jasalǵan mýltfılmderdiń jalpy sany – 12, uzaqtyǵy – 20 mınýt ty quraıdy. Toptamaǵa «Qarlyǵash pen dáýit», «Aqyldy shybyn men jalqaý aıý», «Túlki men tyrna» sııaqty tanymal qazaq ertegileri engizilgen.
«Memleket basshysy Qasym-Jomart Toqaev bıylǵy Qazaqstan halqyna arnaǵan Joldaýynda sıfrlandyrý men jasandy ıntellektini barlyq salaǵa engizýdiń mańyzdylyǵyn atap ótken bolatyn.
Osy mindetti basshylyqqa ala otyryp, «Qazaqstan» respýblıkalyq teleradıokorporasııasynyń quramyndaǵy «Jambyl» telearnasy 1 qarashadan bastap 36-maýsymyn bastaıdy. Elimizde alǵash ret JI kómegimen daıyndalǵan bul týyndylardyń kórermenge jol tartýyna oblys ákimdigi qoldaý kórsetti. Al olardyń dybystalýyna korporasııa quramyndaǵy «Balapan» telearnasy atsalysty» – deıdi telearna dırektory Gúlbarshyn Qulanbaeva.
Mýltfılmder toptamasy tek telearna efırinde ǵana emes, sondaı-aq «Ájemniń áńgimesi» óńirlik jobasy aıasynda balabaqsha tárbıelenýshilerine de usynylmaq.
Taraz.
