Foto: gov.kz
Oqý-aǵartý mınıstrliginiń málimetinshe, aprobasııaǵa tek pedagogter ǵana emes, oqýshylar da qatysady. Bul oqýlyqtardyń fýnksıonaldyǵy men tıimdiligi jan-jaqty túsinik qalyptastyrýǵa múmkindik beredi.
Aprobasııadan ótetin oqýlyqtar arasynda 4-synypqa arnalǵan – «Qazaq tili», «Orys tili» (qazaq tilinde oqytatyn mektepter úshin), «Matematıka» (qazaq jáne orys tilderinde oqytatyn mektepter úshin), «Dúnıetaný», «Ádebıettik oqý» jáne 7–10 synyptarǵa arnalǵan «Dúnıejúzi tarıhy», «Algebra», «Qazaq tili», «Hımııa», «Bıologııa», «Fızıka», «Geografııa», «Quqyq negizderi», «Shetel tilderi» (aǵylshyn, nemis, fransýz tilderi) bar.
«Aprobasııa jańa oqý baǵdarlamasy negizinde ázirlengen jekelegen pánder boıynsha oqýlyqtardyń kúshti jáne álsiz tustaryn aıqyndaýǵa, sondaı-aq mektepter úshin ońtaıly oqý materıalyn irikteýge baǵyttalǵan. Ol oqýlyqtardy keń kólemde engizbeı turyp, oqýshylarǵa arnalǵan eń sapaly jáne tıimdi oqýlyqtardy aıqyndaýǵa múmkindik beredi», dedi Bilim mazmunyn saraptaý respýblıkalyq ǵylymı-praktıkalyq ortalyǵynyń dırektory Nazıra Abdrahmanova.
Ortalyq bes satyly saraptama júrgizedi. Bul shara ǵylymı-pedagogıkalyq saraptama, pysyqtaý kezeńi, pılottyq mektepterde aprobasııa, qoǵamdyq talqylaý jáne pándik saraptamalyq komıssııanyń qorytyndysyn qamtıdy.
Sondaı-aq sarapshy bolýǵa ótinim bergisi keletin pedagogter bmso.kz resmı saıtynda saýalnamadan óte alady.
