Erekshe mánge ıe ıdeıa

Elbasy Nursultan Nazarbaevtyń atyna Qazaqstan halqy Assambleıasy Keńesiniń Qazaqstan Respýblıkasy Prezıdentiniń saılaýyn ótkizý jónindegi bastamasyna baılanysty hattar men jedelhattar kelip túsýde, dep habarlady Prezıdenttiń baspasóz qyzmeti. Memleket basshysynyń atyna el azamattary men túrli uıym­dar­dan bastamaǵa qoldaý bildirgen, Qa­zaqstannyń áleýmettik-ekono­mı­kalyq damýyn qamtamasyz etý­ge baǵyttalǵan baǵdarymyzdy turaq­ty jalǵastyrý úshin saılaý ót­kizýdiń qajettiligin atap kórsetken hattar tolassyz kelip túsýde. Eldiń eńbek ujymdarynan kóp­tep kelip jatqan hattarda Mem­le­ket basshysyna qoldaý bildi­rilgen. Sokolov-Sarybaı taý-ken baıytý óndiristik birlestiginiń ju­mysshylary saılaý ótkizý álemdik damýdyń jańa satysynda halyqty odan saıyn uıystyra túsetinine jáne barlyq qazaqstandyqtardy «Nurly Jol» baǵdarlamasy men «Qazaqstan-2050» Strategııasyn júzege asyrý úshin biriktirýge yqpal etetinine senim bildirgen. «Birlestiktiń 20 myń adam­dyq ujymy Otanymyzdy ilge­ri­letýge jáne ornyqty damy­týǵa baǵyttalǵan bastamalardy ár­daıym qoldap keledi jáne qoldaı beretin bolady. Biz búgingideı kúrdeli ýaqytta Sizdiń saıası ba­tyldyǵyńyzdyń arqasynda táýelsiz Qazaqstannyń árbir damý kezeńi jetistikterdiń, kópultty Otanymyzdyń birligi men turaqtylyǵyn nyǵaıtýdyń jyldaryna aınalǵanyn aıqyn sezinip otyrmyz. Qazaqstan Sizben birge min­detti túrde tabysqa jetip, álem­degi ekonomıkasy damyǵan 30 mem­le­kettiń qataryna kiretin bola­dy», – delingen hatta. «Qazaqstan temir joly»  UK»  AQ qyzmetkerleri men arda­gerleriniń ashyq hatynda álemdegi kúrdeli qarjy-ekonomıkalyq ahýal jaǵdaıynda bizdiń elimizde da­mý­dyń daǵdarysqa qarsy aıqyn jos­pary – «Nurly Jol» Jańa Eko­nomıkalyq Saıasaty bar ekeni atap kórsetilgen. «Prezıdent saılaýyn ótki­zý «Nurly Jol» atalǵan Qazaq­stan halqyna Joldaýdy, ındýs­trııa­lyq-ınnovasııalyq damý baǵdar­lamasyn tabysty júzege asyrý­dyń, túpki nátıjede Qazaq­stan­daǵy árbir otbasynyń ál-aýqatyn arttyrýdyń kepili bolady dep sanaımyz», – delingen Qazaqstan temirjolshylarynyń hatynda. «Qazmyrysh» kompanııalar toby men merdigerlik uıym­dary­nyń myń­daǵan adamy bar kópet­nosty ujy­mynan kelgen hatta qa­zaqstandyqtar Elbasynyń basshy­lyǵymen erteńgi kúnge, turaqty jumysqa, tatýlyq pen kelisimde ómir súrý múmkindigine degen senimge ıe bolǵandaryna nazar aýdarylǵan. «Metallýrgııalyq peshtiń janyn­da shyńdalǵan bizdiń Prezıdent bú­gin­gi jumysshy qalaı ómir súretinin, qara­paıym qazaqstandyqqa ne ke­re­gin jaqsy biledi. Bizge memleket ba­synda «Nurly Jol» baǵdar­lama­syn, «Qazaqstan-2050» uzaq merzim­di Strategııasyn oryndaýǵa basshy­lyq ja­saýdy jalǵastyratyn kóshbas­shy­nyń qalǵany qajet. Elbasymen birge biz­ge eshqandaı qıyndyq qorqy­nyshty emes», – dep jazady avtorlar. Al «Qazhrom» transulttyq kompanııasy» AQ jumysshylary el birligine, órkendeýi men ıgiligine baǵyttalǵan jumysty jalǵastyrý úshin Memleket basshysyna jalpyulttyq senimniń jańa mandatyn berýdiń qajettigi týraly usynysty qoldaý ózderiniń azamattyq paryzy ekenin habarlaıdy. «Eń qıyn ýaqyttarda biz jas memleketimizdiń ekonomıkasy men ónerkásibin qalyptastyrýdyń kúrdeli kezeńin Sizdiń basshylyǵyńyzben ótkerdik. Siz bizge tatýlyqty, kelisim men ekonomıkalyq turaqtylyqty saqtaý jónindegi aıqyn maqsattar men mindetterdi belgilep berdińiz. Siz birde: «Eger keme qaı portqa baratynyn bilmese, oǵan eshqandaı jel serik bolmaıdy» degen edińiz. Biz Sizben qaıda baratynymyzdy bilemiz. Eń bastysy, sol maqsatqa biz birge bara jatyrmyz», – delingen hatta. Prezıdenttik saılaýdy bıyl ótkizý halyqqa, sondaı-aq, barlyq atqarýshy jáne ókildi bılik organdaryna belgilengen mindetterdi júzege asyrý isine jumylýǵa múmkindik beretinin atap ótken «Qazaqstan alıýmınııi» AQ eńbek ujymynyń músheleri de bas­tamany qoldaıtyndaryn málimdedi. «Biz órkendeý men turaqtylyqty, balalarymyz ben nemerelerimizdiń jarqyn bolashaǵyn qalaımyz, 2015 jyly el Prezıdentin saılaý­dy ót­kizýdi qoldaımyz. Bizdiń tańdaýymyz – qýatty Qazaqstannyń qýatty kósh­bas­shynyń bolýy», – delingen hatta. «Zenıt» Oral zaýyty» AQ ju­myskerleri men ınjenerlik-teh­nı­kalyq personaly Qazaqstan Pre­zıdentiniń durys strategııalyq sheshim qabyldaýynyń jáne olardy júzege asyrý jaýapkershiligin ózine júkteý qabiletiniń arqasynda táýelsizdik jyldarynda el ekonomıkasyn tabys­ty reformalaýǵa qol jetkizilgenin atap ótken. «Búkil Qazaqstan halqynyń múd­desin qorǵaýǵa baǵyttalǵan Siz­diń saıasatyńyz ǵana eldi damý­dyń jańa satysyna shyǵarýǵa, Qazaq­stan­nyń álemdegi barynsha qýatty mem­le­ketterdiń qataryna kirý jónindegi mindetin tıimdi sheshýge qabiletti. Biz bárimiz Otanymyz qarqyndy damýy úshin Sizdiń, Elbasynyń aınalasynda toptasatynymyzǵa sendiremiz. Zamannyń kez kelgen syn-qaterin birge eńsere alamyz», – dep jazady avtorlar. «Petropavl aýyr mashına jasaý zaýyty» AQ ujymy da Prezıdent saılaýyn ótkizýdi qoldaıdy jáne Memleket basshysynyń óz kandıdatýrasyn usynýyn ótindi. «Biz ózimizdiń qazirgi baq-bere­kemizdi jáne bolashaqqa zor jospar qurý múmkindigimizdi tek Sizben baılanystyramyz. Biz Sizdiń metallýrg retinde jumysshy tapty bárinen artyq túsinetinińizge senimdimiz», – delingen hatta. «Qazteńiztransflot» Ulttyq teńiz kólik kompanııasy» JShS ju­mys­shylary álemdik ekonomıkalyq daǵ­darystyń beleń alyp kele jatqanyn já­ne kúrdeli halyqaralyq ahýaldy eskere otyryp, saılaý ótkizý máse­lesin der kezindegi sheshim dep atady. «Biz kórshiles memleketterde ne bolyp jatqanyn jaqsy bilemiz. О́kinishke qaraı, búginde álem mazasyz. Sondyqtan Sizden Qazaqstan halqy Assambleıasynyń 2015 jyly saılaý ótkizý bastamasyn qoldaýdy suraımyz», – dep jazady avtorlar. «Zenchenko jáne kompanııa» kom­man­dıttik seriktestiginiń bas dırektory G.Zenchenko bizdiń elimiz Nursultan Nazarbaevtyń basshylyǵymen ǵalamat jetistikterge jetkenin jáne búginde Qazaqstandy búkil álem qýatty ári órkendeýshi memleket retinde tanyp, qurmetteıtinin atap ótken. «Keńes Odaǵy kúıregen soń aýyl sharýashylyǵyn damytý qandaı qıyn bolǵany esimde. Shynyn aıtqanda, biz ózdigimizben jumys isteı alaty­ny­myzǵa, bizge jer beretinine sengen joqpyz. Sizdiń «qıyn kúnder ótedi, Qazaqstan bárimiz «men qazaq­standyqpyn!» dep maqtanyshpen aıtatyndaı elge aınalady» degen sózderińiz jadymda. Búginde sonyń bári oryndaldy», – delingen hatta. Qyzylorda qalasynan «Abzal jáne K» tolyq seriktestiginiń ju­mys­shylary búginde álemdik ekonomıkada baıqalyp otyrǵan daǵdarystyq qubylystar bizdiń elimizde eńbek adamyna jasalyp otyrǵan qamqorlyqtyń baǵasyn sezdiretinine toqtalǵan. «Barlyq qazaqstandyqtar sııaqty bizdiń ujym da óz bolashaǵyn tek Sizben baılanystyrady. Sondyqtan Qazaqstan halqy Assambleıasynyń usynysyn eskerýdi, sondaı-aq, Pre­zıdent saılaýyna qatysýdy suraımyz. Biz óz kezegimizde Sizdiń aınalańyzda toptasýǵa ázirmiz», – delingen hatta. Osy úndeýge Shymkenttegi «Dana fırmasy» JShS qyzmetkerleri men Atyraý oblysyndaǵy jumysshy-munaıshylar da qosylady. «Qarqyn AGF» JShS ujymy men Qostanaı oblysynyń Harkovskoe aýylynyń turǵyndary, sondaı-aq, óńirdiń barlyq aýyl sharýashylyǵy qurylymdary jasampaz saıasat pen «Nurly Jol» baǵdarlamasy aıa­syn­daǵy jańa bastamalardy jalǵas­ty­rýdyń mańyzdylyǵyna toqtalǵan. «Bilseńiz, prezıdenttik saılaýdy ótkizý týraly bastama halyqtyń shynaıy seziminen, ashyq nıetinen týyndap otyr. Qostanaı óńiriniń eńbekqor turǵyndary Sizdi qoldaýǵa árdaıym daıyn», – dep jazady avtorlar. Qyzylorda oblysyndaǵy «Aral» servıstik-daıyndaý ortalyǵynyń ujymy óńirdi damytý jáne Kishi Araldy saqtaý máselelerine kóńil bólip otyrǵany úshin alǵys bildire otyryp, prezıdenttik saılaý ótkizý týraly bastamany qoldaıtyndyqtaryn atap kórsetken. «Biz Sizdiń osy usynysty es­ke­retinińizge jáne ózińiz bastaǵan aý­qymdy jobalardy jalǵastyrýǵa keli­setinińizge senemiz», – delingen hatta. Sonymen qatar, Memleket basshysyna qoldaý bildirgen hattar qoǵamdyq birlestikter men bilim berý mekemelerinen de keldi. Atap aıtqanda, Soltústik Qa­zaq­stan oblysynyń Azamattyq alıan­sy Nursultan Nazarbaevtyń baǵy­tyn qoldaý úshin bar kúshterin jumyl­dyrýǵa, memlekettik baǵdarlamalardy júzege asyrýǵa belsene qatysýǵa jáne Qazaqstandy damytýǵa óz úlesterin qosýǵa daıyn ekendikterin bildirdi. «Biz Sizdi bir aýyzdan qoldaımyz jáne eldegi barlyq azamattyq jáne patrıottyq kúshterdi Qazaqstan Respýblıkasy Prezıdentiniń saılaýyn ótkizýdi jaqtaýǵa shaqyramyz», – delingen hatta. Olardy Túr­kis­tan qalasyndaǵy Q.A.Iаsaýı atyn­daǵy halyqaralyq qazaq-túrik ýnıver­sıtetiniń qyzmetkerleri, oqytýshy-professorlar quramy qostaıdy. Ońtústik Qazaqstan oblysynyń zııaly qaýym ókilderi prezıdenttik saılaý ótkizý bizdiń kópetnosty jáne kópkonfessııaly memleketimizdiń odan ári damýy aıasynda aıryqsha mánge ıe bolatynyna senimdi ekenderin aıtqan. Qyzylorda oblysy «III In­ter­nasıonal» aýylynyń turǵyndary Memleket basshysyna osy eldi mekende turatyn 19 etnostyń atynan  hat jazǵan. «Biz Sizdiń kópultty halqymyzdyń  birligi men kelisimin nyǵaıtýǵa ba­ǵyttalǵan qyzmetińizdi árqashan qol­­dadyq jáne qoldaı beremiz. Prezı­denttik saılaýdy ótkizý týraly basta­maǵa qosyla otyryp, Sizden osy usy­nysty qoldaýdy jáne saılaýǵa qatysýyńyzdy suraımyz», – dep jazady avtorlar. Qazaqstan halqy Assambleıasy Keńesiniń el Prezıdentin saılaýdy ótkizý jónindegi bastamasyna baılanysty hattar Memleket basshysynyń atyna tolassyz kelip túsýde.