Jas bala para berýdi bilmeı ósse, shirkin!..

Jambyl oblysyndaǵy sybaılas jemqorlyq qylmys jasaǵandardyń 10 paıyzy bilim salasyna qatysty bolyp otyr. Sybaılas jemqorlyqqa salyný jaǵynan bilim berý men densaýlyq saqtaý salalary top basynda tur. Bul ekeýi de el damýynyń asa mańyzdy salalary bolyp tabylady. Sebebi, deni saý, bilimdi urpaq – el bolashaǵy. Osyǵan oraı Memlekettik qyz­met isteri jáne sybaılas jem­qor­lyqqa qarsy is-qımyl agenttiginiń Jambyl oblysy boıynsha departamentiniń basshylary jaqynda densaýlyq saqtaý jáne bilim berý meke­meleriniń basshylarymen kezdesý ótkizdi. Statıstıkalyq derekterge súıen­sek, ótken jyly 147 sybaılas jemqorlyq qylmystary boıynsha is qozǵalǵan. Tártiptik quqyq buzýshylyqtar kórsetkishi de 196 derekpen 2013 jyldyń deńgeıinde qalyp otyr. Onyń ishinde, bilim salasy boıynsha 2013 jyly – 30, al, 2014 jyly 46 quqyq buzýshylyq oryn alǵan. Iаǵnı, jalpy oryn alǵan sybaılas jemqorlyq quqyq buzýshylyqtyń jyldyq kórsetkishiniń 23 paıyzy mektepter men balabaqshalardyń enshisinde. Sybaılas jemqorlyq qylmys jasaǵandardyń 10 paıyzy bilim salasyna tıesili. «Bul bir jaǵynan kóńilge ja­ǵymsyz bolsa, ekinshi jaǵynan budan «ustazdardyń bedeli nege tómendedi?» degen suraqqa jaýap tabylady. Jasóspirimderdiń tárbıesinde otbasylyq tárbıeniń orny erekshe. О́kinishke oraı, adamzattyń sana-sezimi taza jáne adal eńbekten góri, ońaı jolmen nápaqa tabýdyń jolyna aýyp bara jatqandaı. Otbasy tárbıesiniń ózinde bilim alýǵa, jumysqa orna­lasýǵa qatysty áńgimeler jemqorlyq kórinisteriniń aıasynda órbıtini jasyryn emes. Sondyqtan, Taraz qalasy men aýdandardaǵy bilim berý mekemelerindegi ata-ana­lar komıtetteriniń jumysy da na­zarǵa alynatyn bolady. Ár úıde kemin­de bir oqýshy bar. Otba­sy tárbıesinde olardyń boıynda jem­qorlyqty qabyldamaý qasıe­tin qalyptastyrý qajet. Sonda ǵana qoǵam saýatty, al ustaz­­­dardyń mereıi ústem bolary anyq» deıdi bul jóninde Mem­lekettik qyzmet isteri jáne sybaılas jemqorlyq­qa qarsy is-qımyl agent­tiginiń Jam­byl oblysy boıynsha depar­tamenti­niń basshysy Maqsat Qojabaev. Densaýlyq saqtaý mekeme­le­rine keler bolsaq, aq halatty abzal jandardyń árbir zańsyz áreket­teri adam saýlyǵyna keri áser ete­tinin umytpaýymyz kerek. Syr­qat adamǵa aqsha emes, densaý­lyq qymbat. Osy oraıda, barlyq densaýlyq saqtaý mekeme­leri tarapynan halyqty olar­dyń quqyqtary týraly aqparat­tandyrý, sybaılas jemqor­lyqqa qarsy nasıhattaý jumystary keńinen júrgizilýi tıis. Bylaısha aıtqanda, sybaılas jemqorlyqpen kúresý árbir azamattyń azamattyq boryshy. Oralhan DÁÝIT, «Egemen Qazaqstan». Jambyl oblysy.