Kezdesý barysynda taraptar ózara baılanystyń basym baǵyttaryn talqylady. Aıda Balaeva mınıstrlik adamı qundylyqtardy nasıhattap, halyqtyń sıfrlyq jáne quqyqtyq saýatyn arttyratyn, sondaı-aq balalardyń onlaın ortadaǵy qaýipsizdigin qamtamasyz etýge baǵyttalǵan jobalarǵa erekshe nazar aýdaratynyn atap ótti. Otyrysta «Google» kompanııasynyń Qazaqstandaǵy resmı ókilin bekitý máselesi de jeke qaraldy.
– «Google»-men yntymaqtastyq Qazaqstandaǵy sıfrlyq mádenıet pen qaýipsizdiktiń damýyna ǵana emes, sondaı-aq tehnologııa salasyndaǵy halyqaralyq dıalogti nyǵaıtýǵa da yqpal etedi dep sanaımyz. Qazaqstan ashyq ári júıeli ózara baılanysqa daıyn, – dedi mınıstr.
Kezdesý barysynda kontentti moderasııalaý máseleleri de talqylandy. Aıda Balaeva qoldanystaǵy tetikterdiń asa tıimdi emes ekenin jetkizdi. Osyǵan baılanysty «Google» komandasynyń Astanaǵa sapary aıasynda QR MAM men oǵan baǵynysty uıymdar qyzmetkerlerine zańsyz kontentti joıý boıynsha vorkshop uıymdastyrylady.
Sonymen qatar kezdesýde Qazaqstanda «Google» kompanııasynyń resmı keńsesin ashý keleshegi talqylandy. Qazaqstan ekonomıkasy men qolaıly ınvestısııalyq ortasy bar, qarqyndy damyp kele jatqan óńirlik kóshbasshy el retinde qarastyrylyp otyr.
