1957 jyly Andorrada qurylǵan PGI taý shańǵysy kýrorttaryn strategııalyq damytýǵa, marketıng júrgizýge, jobalardy tolyq basqarýǵa jáne keńes berýge mamandanǵan. Osy ýaqyt ishinde kompanııa jıyrmadan astam elde 120-dan astam kýrortty, sonyń ishinde jyl boıy jumys isteıtin demalys aımaqtaryn júzege asyrýǵa atsalysqan.
PGI-diń taý shańǵysy ınfraqurylymyn jobalaý jáne basqarý salasyndaǵy halyqaralyq saraptamasy jobalardyń tolyq ómirlik sıklin qamtıdy. Kompanııa Fransııa, Ispanııa, Andorra sııaqty elderde eń qatań ekologııalyq standarttardy saqtaı otyryp tabysty jobalar iske asyrǵan. Endi sol tájirıbeni Qazaqstanda qoldanýdy kózdep otyr.
Almaty Superski jobasy Almaty taý klasteriniń (ATK) negizgi bóligi ári óńir týrızminiń basty draıveri retinde qarastyrylýda. Joba aıasynda shamamen 5 myń jańa jumys orny qurylsa, jalpy taý klasteri boıynsha bul kórsetkish 10 myńnan asady dep kútilýde. Sonymen birge salyq túsimderi ulǵaıyp, týrıstik aǵym artady, al Almatynyń halyqaralyq deńgeıde jyl boıǵy belsendi demalys ortalyǵy retindegi ımıdji nyǵaıady.
PGI-diń mindetterine jobalaý-izdestirý jumystaryn úılestirý kiredi. Bul rette kompanııa úzdik halyqaralyq tájirıbeler men Qazaqstan Respýblıkasynyń qoldanystaǵy normatıvtik talaptarynyń oryndalýyn qatań qadaǵalaıdy. Josparlaý barysynda aýmaqty barynsha tıimdi paıdalaný kózdelip, tek taý shańǵysy, jaıaý serýendeý, taý velosıpedi sııaqty belsendi týrızm baǵyttaryna qajetti ınfraqurylym qarastyrylady.
