Kınofestıval Túrki mádenıetin jáne ónerin damytý halyqaralyq uıymynyń (TÚRKSOI) bastamasymen uıymdastyryldy. Is-shara Ázerbaıjan, Qazaqstan, Qyrǵyzstan, Túrkimenstan, Túrkııa jáne О́zbekstannyń ulttyq kıno uıymdaryn biriktiredi.
Buǵan deıin festıval Stambulda, Býrsada, Shýshada jáne Anaýda (Ashhabad) ótti. 2025 jyly alǵash ret Qazaqstan túrki memleketterin qabyldady. Sebebi Aqtaý qalasy bıyl túrki áleminiń mádenı astanasy mártebesine ıe boldy. Aqtaý shahary túrki kınematografynyń jańa ortalyǵyna aınaldy. Jıynǵa alǵash ret Majarstannan da mamandar qatysýda.
Saltanatty is-sharanyń ashylý rásimi «Dostyq úıinde» ótti. Festıvalde rejısser Dýman Erkimbektiń tolyqmetrajdy alǵashqy týyndysy – «QAITADAN» fılmi kórsetildi. Bul kartına qazaq kınosy tarıhynda alǵash ret memleket qoldaýymen túsirilip, 1 mıllıard teńgeden astam qarjy jınap, rekord ornatty.
Saltanatty rásimde QR Ulttyq kınony qoldaý memlekettik ortalyǵynyń Basqarma tóraǵasy Qurmanbek Jumaǵalı sóz sóıledi. Onyń aıtýynsha, «Qorqyt ata» kınofestıvalin Aqtaýda ótkizý – úlken mártebe. Sebebi Aqtaýǵa bıyl túrki áleminiń mádenı astanasy ataǵy berildi.
Festıvaldiń baıqaý baǵdarlamasyna QR Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirilgen kelesi týyndylar endi:
- «Joqtau» (rej. Arýan Anartaı)
- «Prıanıkı dlıa eıo otsa, moego pradeda, eıo deda» (rej. Alına Mýstafına)
- «Eva. Batyr qyz» (rej. Temirbek Amanjol)
- «Atameken» (rej. Janna Qurmasheva).
Festıval aıasynda jetekshi kıno qaıratkerlerimen shyǵarmashylyq kezdesýler, kınosammıt, baıqaý jáne baıqaýdan tys fılmder kórsetilimi, sondaı-aq Mańǵystaý óńiriniń tumsa tabıǵatyn tanystyratyn mádenı baǵdarlama uıymdastyrylmaq. Baıqaýdan tys baǵdarlamada Kıno ortalyǵynyń «Qajymuqan» fılmi (rej. Qanaǵat Mustafın) kórsetiledi.
4 qazanda festıvaldiń jabylý saltanaty ótip, jeńimpazdar marapattalady. Qazylar alqasy «Úzdik kórkem fılm», «Úzdik rejısser», «Úzdik ssenarıı», «Úzdik aktrısa» jáne «Úzdik akter» nomınasııalary boıynsha jeńimpazdardy anyqtaıdy. Buǵan qosa, TÚRKSOI-dyń «Túrki mádenıetine qosqan úlesi úshin» arnaıy syılyǵy da tabystalady.
