Oblystyq densaýlyq saqttaý basqarmasynyń basshysy Serjan Nazarbektiń aıtýynsha, eldimekenderge asa tapshy medısınalyq mamandyqtar boıynsha jumys isteýge kelgen dárigerlerge 8,5 mıllıon teńge kóleminde birjolǵy áleýmettik qoldaý tólenedi.
Qoldaý Jambyl oblysy ákimdiginiń 2025 jylǵy 15 qyrkúıektegi №192 qaýlysymen bekitilgen asa tapshy medısınalyq mamandyqtar tizbesine sáıkes júzege asyrylady.
«Qaýly Qazaqstan Respýblıkasynyń «Jergilikti memlekettik basqarý jáne ózin-ózi basqarý týraly» zańyna negizdelgen. Áleýmettik qoldaý keminde bes jyl merzimge aýyldyq jerge jumys isteýge kelgen medısına qyzmetkerlerine beriledi. Qoldaýdyń basty maqsaty – aýyldyq jerlerdegi medısınalyq qyzmettiń sapasyn arttyrý jáne bilikti mamandarmen qamtamasyz etý. Bul bastama - aýyl halqynyń ómir súrý sapasyn jaqsartýǵa baǵyttalǵan mańyzdy qadam», deıdi ol.
Jambyl oblysy
