Saltanatty rásimge aýdan ákimi Ermek Karentaev qatysyp, turǵyndardy qýanyshymen quttyqtady. Aýyl aqsaqaldary sport kesheniniń lentasyn qıyp, jurtshylyqqa izgi tilekterin jetkizdi.
«Búgingi kún – barsha aýyl úshin tarıhı sát. Jańa keshen – memlekettiń qoldaýynyń, el birliginiń jáne jastarǵa degen qamqorlyqtyń naqty kórinisi», – deıdi Bógenbaı Bıdasbaev.
Keshenniń qurylysy «Aýyl – El besigi» baǵdarlamasy aıasynda júzege asty. Joba quny – 359,2 mln teńge. Eki qabatty ǵımaratta aýyl balalary men jasóspirimderi kúres, boks, fýtbol, basketbol jáne voleıbol syndy sport túrlerimen shuǵyldana alady.
Aýdan ákimdiginiń málimetinshe, qazir Moıynqumda 154 sport nysany bar: 3 sport kesheni, 1 ortalyq stadıon, 32 sport zaly jáne 118 sport alańy. Jańa keshenniń iske qosylýymen sporttyq ınfraqurylymmen qamtylý deńgeıi 76,2 paıyzǵa jetti. Al turǵyndardyń 41,9 paıyzy turaqty túrde sportpen shuǵyldanady.
Jambyl oblysy
