Mamandardyń aıtýynsha, Qazaqstannyń batysy men soltústik-batysynda antısıklon áserinen jaýyn-shashynsyz aýa raıy saqtalady. Alaıda, elimizdiń qalǵan bóligine atmosferalyq frontaldy bólikterdiń jyljýy jaýyn-shashyn ákeledi.
- Elimizdiń ońtústiginde, shyǵysynda, ońtústik-shyǵysynda qatty jaýyn-shashyn (jańbyr, qar) bolady, - delingen "Qazgıdromet" RMK-nyń baspasóz qyzmeti taratqan aqparatta.
Sonymen qatar, respýblıkamyz boıynsha jeldiń kúsheıip, tuman túsedi dep kútiledi. Elimizdiń shyǵysynda kóktaıǵaq bolýy da múmkin. Úsik te júredi.
- Batys Qazaqstan oblysynyń soltústiginde, shyǵysynda, Jambyl oblysynyń taýly aýdandarynda, Almaty oblysynyń soltústiginde, ońtústiginde jáne Jetisý oblysynda synap baǵany 1-3 gradýs sýyqty kórsetip, úsik júredi, sondaı-aq Qyzylorda oblysynyń batysynda, soltústiginde topyraq beti qatyp, synap baǵany -2°S-ge deıin tómendeıdi dep kútiledi, - delingen habarlamada.
Batys Qazaqstan oblysynyń batysynda, soltústiginde, ortalyǵynda, Atyraý óńiriniń soltústik-shyǵysynda, Aqtóbe oblysynyń ońtústiginde, Jambyl oblysynyń ortalyǵynda órt qaýpi joǵary.
Qyzylorda oblysynda, Túrkistan oblysynyń soltústiginde, batysynda, shóleıtti aýdandarynda, Atyraý oblysynyń soltústiginde, ońtústiginde, shyǵysynda, Jambyl oblysynyń batysynda, soltústiginde, Batys Qazaqstan oblysynyń soltústik-batysynda, ońtústiginde, ońtústik-shyǵysynda, Aqtóbe óńiriniń batysynda, soltústiginde, soltústik-shyǵysynda, ortalyǵynda, Almaty oblysynyń soltústiginde, Ulytaý oblysynyń ońtústiginde tótenshe órt qaýpi kútiledi.
Osy ýaqytta Almaty men Taraz taýlarynda qar jaýyp tur.
