Býrabaıdaǵy keleli keńes

Is-sharaǵa Táýelsiz Mem­leketter Dostas­tyǵyna qatysýshy memleketterdiń orta­lyq saılaý organdarynyń basshylary men ókilderi, Táýelsiz Mem­leketter Dos­tas­tyǵy Atqa­rýshy komıtetiniń jáne oǵan qatysýshy memleketterdiń Parla­ment­aralyq Assambleıasynyń ókilderi, qatysýshy memleketterdiń demokratııa­ny, parlamentarızmdi damytý jáne azamattardyń saılaý quqyqtarynyń saqtalýyna monıtorıng júrgizý jónindegi halyqaralyq ınstıtýtynyń ókilderi, TMD-ǵa múshe memleket­terdiń saılaý organdary basshy­larynyń Konsýltatıvtik keńesi janyndaǵy Elektoraldyq sala­daǵy jas­tar saıasaty jónindegi jumys tobynyń jáne Qazaqstan Respýblıkasy Ortalyq saılaý komıssııasy janyndaǵy Sarap­shylar keńesiniń músheleri, jas­tar uıymdarynyń, sondaı-aq Qazaqstannyń saılaý komıs­sııalarynyń ókil­deri qatysty.

2025 jylǵy 1 qyrkúıekten bastap Táýelsiz Memleketter Dos­tastyǵyna qatysýshy memle­ket­terdiń saılaý organdary basshylarynyń Konsýltatıvtik keńesine tóraǵalyq etý Qazaqstan Respýblıkasynyń Ortalyq saılaý komıssııasyna ótkenin atap ótken jón.

Is-sharalar baǵdarlamasy saılaý salasynda memleketaralyq áriptestikti nyǵaıtýǵa, tájirıbe almasýǵa jáne ásirese jastar arasynda saılaý mádenıetin qalyptastyrýdyń praktıkalyq tásilderin damytýǵa baǵyttaldy.

TMD-ǵa múshe memleketterdiń saılaý organdary basshylarynyń Konsýltatıvtik keńesi tóraǵasy, Qazaqstan Respýblıkasy Ortalyq saılaý komıssııa­sy tóraǵasy Nurlan Ábdirov keńes otyrysyn ashyp: «Saılaý mádenıetin qalyptastyrý – bul adamı kapıtalǵa, demokra­tııa­lyq ınstıtýttardy nyǵaıtýǵa jáne bizdiń elderimizdiń bolashaǵyna salynǵan ınvestısııa. Bul – quqyqtyq reformalardy, bilim berý bastamalaryn jáne zamanaýı tehnologııa­­­lardy biriktirip, júıeli turǵydan qaraýdy talap etetin úderis. Sondyqtan da bizdiń tarap qazaqstandyq tóraǵalyq etý kezeńin saılaý prosesiniń barlyq qatysýshylarynyń, ásirese jastardyń arasynda saılaý mádenıetin qalyptastyrý jáne damytý máselesin talqy­laýǵa arnaýdy usyndy», dep atap ótti.

TMD-ǵa qatysýshy memle­ket­terdiń saılaý organdary basshy­­la­rynyń Konsýltatıvtik keńe­siniń VI otyrysynda saılaý úderisteriniń tıimdiligin jáne oǵan qatysýshylardyń elektoraldyq mádenıetin arttyrý jónindegi ózekti máseleler talqylandy.

TMD Parlamentaralyq assambleıa­sy Keńesiniń bas hatshysy Dmıtrıı Kobıskıı beıne­q­uttyqtaý joldady. TMD-ǵa múshe memleketterdiń saılaý organdary basshylarynyń Konsýltatıvtik keńesiniń teń tóraǵasy, Belarýs Respýblı­kasynyń Ortalyq saılaý komıs­sııasynyń tóraǵasy Igor Kar­penkonyń onlaın rejimde TMD-ǵa múshe memleketterdiń saı­­laý organdary basshylary­nyń Kon­sýltatıvtik keńesine tóraǵa­­lyq etken kezeńde atqaryl­ǵan j­u­mystar týraly aqparaty tyńdaldy.

Saılaý taqyrybyna arnalǵan pikirtalas barysynda Armenııa Respýblıkasynyń Ortalyq saılaý komıssııasynyń tóraǵasy Vaagn Ovakımıan «2026 jyly ótetin parla­menttik saılaýlar aıasynda Armenııa Respýb­lıkasy­­nyń saılaý zańnamasyndaǵy jańa­shyl­dyqtar» taqyrybyn­da, Nurlan Ábdirov «Qazaqstan Respýblıkasyndaǵy jergilikti saılaýlar jáne saıası júıeni odan ári jetildirý týraly», Qyrǵyz Respýb­lıkasynyń Saılaý jáne referendýmdar ótkizý jónindegi Ortalyq komıssııasynyń tór­aǵasy Tynchtyk Shaınazarov «Qyrǵyz Respýblıkasyndaǵy 2025 jylǵy saılaý úderisteri», Reseı Federasııasynyń Ortalyq saılaý komıssııasynyń tóraǵasy Ella Pamfılova beınebaıandama ar­qyly «14 qyrkúıekte Re­seı Federasııasynda ótken biryń­ǵaı daýys berý kúniniń qory­tyn­dylary týraly», Tájikstan Respýb­lıkasynyń Saılaý jáne refe­rendýmdar jónindegi Orta­lyq komıssııasynyń tór­aǵasy Bah­tııor Hýdoıorzoda «Tájik­stan Respýblıkasynda shyǵyp qal­ǵan depýtattardyń ornyna jer­gilikti Halyq depýtat­ta­ry máji­listerine ótken saı­laý­­lar týra­­ly», О́zbekstan Respýb­­lıkasynyń Ortalyq saılaý ko­mıssııasynyń tóraǵasy Zaınıd­dın Nızamhodjaev «О́zbekstan Respýblıkasy Ortalyq saılaý komıssııasynyń saılaýdan keıingi kezeńdegi jumysynyń keıbir aspektilerine sholý» taqyrybynda sóz sóıledi.

«TMD-ǵa qatysýshy memleket­terdiń Parlamentaralyq Assambleıasyna qatysý­shy memleket­terde jastardyń quqyq­­tyq mádenıeti men saılaý belsendi­ligin arttyrý máseleleri boıynsha TMD-ǵa múshe memleketterdiń saılaý organdary basshylarynyń Konsýltatıvtik keńesi janyn­daǵy Elektoraldyq saladaǵy jas­tar saıa­saty jónindegi jumys toby men TMD Parlamentaralyq assambleıasyna qatysýshy mem­­le­ketterdiń demokratııany, par­lamentarızmdi damytý jáne azamattardyń saı­laý quqyq­tarynyń saqtalýyn monı­torın­gileý jónindegi halyq­aralyq ınstıtýtynyń ózara is-qımyly týraly» Parla­ment­aralyq Assambleıasy Keńesi Hat­shylyǵy basshysynyń orynbasary, TMD Parlamentaralyq assam­b­leıa­­­sy DDMHI dırektory Ivan Mýshket, «TMD-ǵa múshe memleketterdiń saılaý organdary basshylarynyń Konsýltatıvtik keńesi músheleriniń Dúnıejúzilik saılaý organdary qaýymdastyǵy (A-WEB) qyzmetine qatysýy týraly» TMD SOB KK teń tóraǵasy, Belarýs Respýblıkasynyń Ortalyq saılaý komıssııasynyń tóraǵasy Igor Karpenko, «TMD SOB KK hatshylyǵynyń basshysy (hatshysy) laýazymyna kandıdatýra usyný týraly» Nur­lan Ábdirov baıandama jasady. Qazaqstannyń Ortalyq saılaý ko­mıssııasy TMD-ǵa múshe mem­leketterdiń saılaý organdary basshy­larynyń Konsýltatıvtik keńesine tóraǵalyq etedi. Jıyn barysynda keńeske tóraǵalyq etýdiń aýyspaly belgisi tabys etildi.

Otyrystyń bastalýy aldyn­da qaty­sý­shylar TMD-ǵa qatysý­shy memleket­­terdiń saılaý organdarynyń quqyqtyq aǵartý jáne elektoraldyq qatysýdyń mádenıetin qalyptastyrý sala­­syndaǵy tájirıbelerin kórsete­tin ádistemelik materıaldar kórme­simen tanysty. Kórmede Armenııa, Belarýs, Qazaqstan, Qyrǵyzstan, Reseı, Tájikstan, О́zbekstannyń ortalyq saılaý organdary men TMD PA DDMHI-nyń jumys barysynda qoldanatyn túrli oqý-ádistemelik jáne aqparattyq materıaldary usynyldy.

Býrabaıda ótken otyrysqa qatysýshylar QR OSK hatshysy Shavhat О́temisovtiń TMD-ǵa múshe memleketterdiń saılaý organdary basshylarynyń Konsýltatıvtik keńesi hatshylyǵynyń basshysy laýazymyna kandıdatýrasyn qoldady.