Ol bul týraly Facebook paraqshasynda jazdy.
«Búgin Ertaevqa qatysty sot qaýlysy joıyldy. Qazaqstan Respýblıkasynyń Bas prokýratýrasyna, prokýrorǵa jáne Almaty oblysynyń sotyna, sondaı-aq bul máseleni alǵash kótergen jýrnalısterge shyn júrekten alǵys aıtamyn!», dep jazdy ol.
О́z kezeginde basqa Májilis depýtaty «Jomart Ertaev qaıtadan túrmege barady» dep málimdedi.
2 qyrkúıek 2025 jyly Almaty oblysy Alataý qalasynyń soty sottalǵan Jomart Ertaevtyń QR Konstıtýsııasynyń 30 jyldyǵyna baılanysty qabyldanǵan raqymshylyq aktisin qoldaný týraly ótinishin qaraǵan. Sot sheshimine sáıkes oǵan raqymshylyq jasalyp, ol bostandyqqa shyqqan.
Aıta keteıik, 2 qyrkúıekke deıin ol 8 jyl 3 aı 14 kún túrmede jazasyn ótedi. Ertaev 2018 jylǵy 15 qarashadan bastap qamaýda otyrdy, merzim «bir kúnge bir jarym kún» esebimen eseptelgen. Jazanyń ótelmegen bóligi 11 aı 16 kúndi qurady.
2020 jyldyń qarashasynda Almatyda burynǵy bankır Jomart Ertaevqa úkim shyqqan. Oǵan Bank RBK-ǵa tıesili 144 mlrd teńgeni jymqyrdy degen aıyp taǵyldy. Onyń múlki tárkilenip, ortasha qaýipsizdik kolonııasynda 11 jylǵa sottaldy. Sondaı-aq oǵan 10 jyl boıy bank jáne qarjy salasynda jumys isteýge tyıym salyndy.
2021 jyldyń naýryzynda, ol Bank RBK, Qazaq Banki jáne Eýrazııalyq bankten 188 mlrd teńgeden astam qarajat urlaý isi boıynsha taǵy da sottaldy. Sot Jomart Ertaevty qylmystyq top uıymdastyrdy jáne alaıaqtyq jasady dep tanyp, 9 jylǵa bas bostandyǵynan aıyrdy.
2021 jyldyń mamyrynda apellıasııalyq ınstansııa alǵashqy úkimdi jeńildetip, jazany 11 jyldan 9 jylǵa deıin qysqartty.
