Foto: pixabay.com
«ÁMAT – bul bir turǵyda eskiliktiń qaldyǵy, ıaǵnı biz belgili bir tizimder jasap, óndirýshilerge qandaı baǵa qoıý keregin, qandaı ústeme bolatynyn aıtamyz. Biz naryqtyq tetikterdi, quraldardy qoldanatyn bolamyz, bul shyn máninde anaǵurlym tıimdi úlgi. Ol óndirýshilerge de, tutynýshylarǵa da, jalpy barlyq qatysýshylarǵa retteýshilik qysymnyń tómen bolýyna múmkindik beredi. Mundaı tetiktiń tıimdiligi, meniń oıymsha, anaǵurlym joǵary bolady», dedi A. Shaqqalıev.
Mınıstrdiń sózinshe, ákimshilik retteý tolyq joıylmaıdy. Burynǵydaı ústeme baǵanyń eń joǵary shegi 15%-dan aspaıtyny belgilengen. Sonymen qatar ataýly áleýmettik kómek (AÁK) alýshylardy qoldaý úshin azyq-túlik vaýcherleri engizilmek.
«Biz Aqkólde, Kókshetaýda, Pavlodarda pılottyq jobany júrgizip jatyrmyz. Munda ataýly sıfrlyq áleýmettik kómek aıasynda AÁK alýshylarǵa azyq-túlik vaýcherleri beriledi, olar jyl ishinde taýardy jeńildetilgen baǵamen satyp alýǵa múmkindik beredi. Bizdiń mindetimiz – osy. Qanatqaqty joba jyl sońyna deıin jalǵasady. 2026 jyly biz ony kezeń-kezeńimen tarata bastaımyz», dep atap ótti SIM basshysy.
